Astanada Eýrazııalyq KAZENERGY forýmy bastaldy
HІ Eýrazııalyq KAZENERGY forýmy QR Úkimeti men Energetıka mınıstrliginiń qoldaýymen ótip jatyr. Forým BUU aımaqtyq komıssııalary aıasynda 2017 jylǵy 11-14 maýsymda Astanada ótkizilgen Turaqty damýǵa arnalǵan energetıka jónindegi 8-shi halyqaralyq forým men «Energetıkanyń turaqty damýyn qamtamasyz etý» konferentsııasy sheńberinde bastalǵan suhbattyń jalǵasy bolmaq.
IEA, MEH, MEF, EEK, IRENA sııaqty iri halyqaralyq uıymdar, sonymen qatar transulttyq jáne energetıkalyq kompanııalar forýmnyń seriktesi.
HІ KAZENERGY Eýrazııalyq forýmynda álemdik energetıkalyq kompanııalar turaqty energetıka kózderin tıimdi basqarýǵa, energııa resýrstarynyń óndirilýin, saqtalýyn jáne paıdalanylýyn baqylaýǵa, energııa kózderine qol jetkizýge, klımattyń ózgerýi men jáne kómirqyshqyl gazy shyǵaryndylaryn tómendetýge, balamaly energııa kózderiniń paıdalanylýyn yntalandyrýǵa, energııalyq tıimdilik boıynsha baǵdarlamalardy jáne «aqyldy» energetıkany engizýge, ýran jáne atom salasyn ınnovatsııalyq turǵyda damytýmen baılanysty suraqtar men máseleler talqylanady.
«Dástúrli ótip kele jatqan forýmnyń álem elderiniń úkimetteri men halyqaralyq energetıkalyq uıymdar, dıplomattyq ókildikter, qazaqstandyq jáne sheteldik energetıka sektoryndaǵy kompanııalar, zertteý ınstıtýttary jáne konsaltıngilik agenttikter tarapynan qyzyǵýshylyǵyn týdyrýda. Bul shara qatysýshylarǵa aǵymdaǵy jaǵdaıdy bolashaq energııanyń basty syn-qaterleri turǵysynda zerdeleýge múmkindik bere otyryp, ulttyq jáne halyqaralyq kompanııalardyń turaqty damý salasyndaǵy ońtaıly strategııalardy pysyqtaýyna jaǵdaı jasaýy tıis. Qazirgi tańda energetıka salasynda kezdesip otyrǵan syn-qaterler búkilálemdik aýqymda osy salanyń baǵytyn ózgertedi. Ol kún ótken saıyn tıimdilikke qaraı bet burýda. Investıtsııalyq jobalardyń talǵamdylyǵy, jańa múmkindikten jolyndaǵy básekelestik jánekapıtaldyq shyǵyndardy azaıtý syndy faktorlar óte mańyzdy. Osy oraıda Úkimettińtıisti sheshimderdi ýaqytynda qabyldaýy, sonymen qatar olardyń boljamdylyq sıpatymańyzdy ról atqarady», - deıdi KAZENERGY qaýymdastyǵynyń bas dırektory Bolat Aqsholaqov.
Forýmǵa Chehııa,Fınlıandııa, Reseı, Grýzııa, Polsha elderiniń energetıka salalarynyń basshylary men Búkilálemdik munaı keńesiniń Prezıdenti Tor Faıeran qatysýda.
