Astanada «Eýrazııa» saýda ortalyǵynan órt shyqty

ASTANA. QazAqparat – Astanadaǵy «Eýrazııa» saýda, oıyn-saýyq ortalyǵynda órt shyqty, dep habarlaıdy QazAqparat Tótenshe jaǵdaılar mınıstrligine silteme jasap.

«9 tamyzda, saǵat 15.57-de Astana qalasy TJD órt sóndirý bólimsheleri «Eýrazııa» saýda ortalyǵyndaǵy órt boıynsha shaqyrtýǵa shyqty.

Órt sóndirýshiler kelgennen keıin birinshi qabatta 20 sharshy metr alańda zattar men býtık qabyrǵasynyń qaptamasy órtenip jatqanyn anyqtady», - delingen málimette.

Jalyn saǵat 16.11-de oqshaýlandyrylyp, saǵat 16.33-te tolyǵymen joıyldy.

«Qaza bolǵandar men zardap shekkender joq. Órtti sóndirýge Astana qalasy TJD jeke quramnyń 68 adamy jáne 14 tehnıkasy jumyldyryldy», - dedi TJM-nan.