Astanada etnosaıasatty damytý perspektıvalary talqylandy
ASTANA. KAZINFORM — Astanada Qazaqstan Respýblıkasy Konstıtýtsııasynyń 30 jyldyǵyna oraı «Konstıtýtsııa – ádilet pen parasat joly» taqyrybynda dóńgelek ústel men kitap kórmesi ótti. Bul týraly Mádenıet jáne aqparat mınıstrligi málim etti.
Іs-sharanyń maqsaty — Qazaqstan Respýblıkasy Konstıtýtsııasy qundylyqtary aıasynda quqyqtyq jáne etnosaıası saýattylyqty arttyrý, sondaı-aq qoǵamdyq dıalogty damytý boldy. Baǵdarlama aıasynda ádildik pen adam quqyqtaryn qorǵaýǵa, etnosaralyq kelisimdi jáne azamattyq qoǵamdy damytýǵa arnalǵan kitap kórmesi uıymdastyryldy.
Dóńgelek ústelge Qazaqstan Respýblıkasy Mádenıet jáne aqparat mınıstrliginiń, QR Prezıdenti janyndaǵy Prezıdenttik ortalyqtyń, Qazaqstan halqy Assambleıasynyń qoǵamdyq qurylymdarynyń jáne Qoldanbaly etnosaıası zertteýler ınstıtýtynyń ókilderi qatysty.
— Pikirtalas barysynda etnosaıasatty damytý perspektıvalary, Qazaqstan qoǵamynyń quqyqtyq jáne moraldyq negizi retindegi Konstıtýtsııanyń róli qarastyrylyp, birlik, ádilettilik jáne azamattardyń quqyqtyq sanasyn nyǵaıtýdyń mańyzy atap ótildi. Іs-shara sońynda qatysýshylar pikir almasyp, ózara baılanys ornatýdaǵy basym baǵyttardy talqylady, — delingen habarlamada.
Eske sala keteıik, jaqynda Memlekettik keńesshi etnosaralyq kelisimdi nyǵaıtý máselelerine arnalǵan respýblıkalyq jıyn ótkizgen edi.