Astanada esirtkiniń iri partııasy tárkilendi
Nur-Sultanda polıtsııa qyzmetkerleri esirtki satýshylardy ustaýǵa qatysty jedel-izdestirý is-sharasyn ótkizdi.
«Shara barysynda buryn birneshe ret sottalǵan 38 jastaǵy er adam turǵylyqty mekenjaıynan ustaldy. Úıdi tintý barysynda úıretilgen ıttiń kómegimen 500 gramǵa jýyq gashısh jáne marıhýana esirtkisi tabyldy. Anyqtalǵandaı atalǵan azamat buǵan deıin qaraqshylyq pen urlyq úshin isti bolǵan. Qala aýmaǵynda esirtki satýmen aınalysyp kelgen. Saraptama qorytyndysyna sáıkes, kúdiktiden 318,7 gramm gashısh jáne 122,58 gramm marıhýana esirtkisi tárkilendi», - delingen habarlamada.
Polıtsııa departamentiniń málimetinshe, QR Qylmystyq kodeksiniń 297-baby 2-bóligine sáıkes qylmystyq is qozǵaldy.
Jáne búginde aıypty ýaqytsha ustaý ızolıatoryna qamalyp, tergeý amaldary júrip jatyr.
Qazir polıtseıler elordaǵa esirtkiniń jetkizilý jolyn anyqtap jatyr.