Astanada Elbasynyń Joldaýynyń negizgi baǵyttaryn túsindirý boıynsha halyqpen kezdesý ótkizildi
Sharaǵa Astana qalasynyń kommýnaldyq kásiporyndary, aýdandyq memlekettik qurylymdardyń qyzmetkerleri, aýdandyq uıymdar men mekemelerdiń jumyskerleri qatysty. Kezdesý Astana qalasy ákiminiń orynbasary Aıda Balaevanyń jetekshiligimen ótti.
Kezdesýde Memleket basshysynyń Joldaýynda aıtylǵan birqatar máseleler qaraldy.
Aıda Balaevanyń aıtýynsha, elordamyz úshin ásirese, mektepke deıingi bilim berý, sonyń ishinde balalarǵa balabaqshalardan oryn berý máselesi asa ózekti. Qala ákimdigi aldaǵy ýaqytta mektepke deıingi mekemelerdegi oryn tapshylyǵy máselesin sheshý boıynsha júıeli sharalar qabyldaıdy. Bul rette memlekettik jeke menshik áriptestik mehanızmine erekshe kóńil bólinbek. Taǵyda bir mańyzdy aspekti halyqty jumyspen qamtý salasynda jumystardy belsendirý boıynsha jańa basymdyqtar. Osyǵan baılanysty qalalyq ákimdiktiń ótken jylǵy qyzmetiniń qorytyndysy optımızm uıalatady. Jyl basynan beri 83 myń adam áleýmettik qoldaý sharalarymen qamtyldy, sonyń ishinde 62,6 myń zeınetker, 235 UOS ardageri men qatysýshysy, 19,4 myń múgedek, 5,5 myńǵa jýyq kóp balaly otbasy, 8 myńnan astam turmysy tómen azamattar men kóp balaly analar.
Úshinshi aspekti, elordadaǵy densaýlyq saqtaý salasy. Atap aıtqanda, qazirgi kezde elimizde Biryńǵaı ulttyq densaýlyq saqtaý júıesi jumys isteıdi, onyń qyzmetiniń strategııalyq vektory aýrýlardyń saldarymen kúresý emes, olardyń aldyn alý bolyp tabylady. Árıne, basqa aımaqtarmen salystyrǵanda Astanada densaýlyq saqtaý jaǵdaıy edáýir joǵary deńgeıde. Bul rette onkologııalyq aýrýlardy emdeý boıynsha Gýstava Rýssı atyndaǵy onkologııa ınstıtýmyn yntymaqtastyq týraly memorandýmǵa qol qoıý mańyzdy qadam bolyp tabylady.
Sóz sońynda qala basshysynyń orynbasary qazaqstandyqtardyń árqaısysynyń jaýapkershiligi men azamattyq pozıtsııasy «Nurly jol bolashaqqa bastar jol» baǵdarlamalyq qujatynda belgilengen maqsattardy júzege asyrýǵa kómektesetinin atap ótti, dep habarlady elorda ákimdiginiń resmı saıty.
