Astanada «Elbasy jáne Elorda» kitabynyń tusaýkeseri ótti
Mádenıet jáne sport mınıstrliginde Qazaqstan halqy tilderi kúnine arnalǵan saltanatty is-sharaǵa QR Parlamenti depýtattary, Qazaqstan halqy assambleıasynyń kórnekti qoǵam qaıratkerleri, shyǵarmashylyq jáne zııaly qaýym, buqaralyq aqparat quraldary ókilderi, joǵary oqý oryndarynyń stýdentteri qatysty.
Mádenıet jáne sport mınıstri Arystanbek Muhamedıuly merekelik sharany asha otyryp, Qazaqstan Úkimeti memlekettiń til saıasatyn tabysty iske asyryp jatqanyn atap ótti.
«Ótken jyly Qazaqstan Prezıdenti «Qazaq tili álipbıin kırıllıtsadan latyn grafıkasyna kóshirý týraly» Jarlyqqa qol qoıdy. Ony iske asyrý úshin Úkimet janynan Ulttyq komıssııa quryldy. Úkimet 2025 jyldarǵa deıin latyn grafıkasyna kezeń-kezeńmen kóshirýdiń josparyn bekitti. Biz «Til-Qazyna» ulttyq ǵylymı praktıkalyq ortalyq qurdyq. Qazir respýblıkamyzda latyn grafıkasyna negizdelgen jańa emle erejesi aprobatsııadan ótýde», - dedi mınıstr.
Merekelik baǵdarlamany Qazaqstan Respýblıkasyna eńbegi sińgen qaıratker Qaıyrjan Berdibaev «Memlekettik til» atty jańa ánimen ashty.
Saltanatty merekelik is-shara aıasynda respýblıkalyq aqyndar baıqaýy qatysýshylarynyń óleńder jınaǵy «Elbasy jáne Elorda» kitabynyń tusaýkeseri ótti. QR Mádenıet jáne sport mınıstrligi jáne «Qazaqstan» RTRK-nyń birlesken bul jobasy talantty qazaq jastaryn qoldaýǵa baǵyttalǵan.
Merekege oraı Arystanbek Muhamedıuly QR Mádenıet jáne sport mınıstrliginiń qurmet gramotalaryn qaýymdastyqtardyń kórnekti ókilderi, jetekshi sarapshylary jáne sala mamandaryna tabys etti.
Aıta ketsek , buǵan deıin Qazaqstan halqy tilderi kúni qyrkúıek aıynyń úshinshi jeksenbisinde toılanatyn. Bul aıtýly kún «Qazaqstan Respýblıkasynda mereke kúnder tizbesin bekitý týraly» Qazaqstan Respýblıkasy Úkimetiniń 2017 jylǵy 31 qazandaǵy №689 qaýlysymen bekitilgen.
