Astanada ekstremıstik top músheleri ustaldy
ASTANA. KAZINFORM — 22 qańtarda Ulttyq qaýipsizdik komıteti Astanada jáne Aqmola oblysynyń Qosshy qalasynda prokýratýra organdarynyń úılestirýimen 4 Qazaqstan azamatyn ustady. Bul týraly UQK baspasóz qyzmeti málim etti.
— Olar terrorızmdi nasıhattady, ekstremıstik áreketke qatysty jáne uıymdastyrdy, sondaı-aq jańa jaqtastardy tartty degen kúdikke ilinip otyr. Tintý barysynda turǵyn úılerinen dinı materıaldar men basqa da zattaı dáleldemeler tárkilengen, - delingen komıtet habarlamasynda.
Qazirgi ýaqytta Qylmystyq kodekstiń 256, 259 jáne 405-baptary boıynsha sotqa deıingi tergep-tekserý júrgizilip jatyr.
Qylmystyq-protsestik kodekstiń 201-babynyń 1-tarmaǵyna sáıkes ózge aqparat jarııa etýge jatpaıdy.
Buǵan deıin habarlanǵandaı, terrorızmdi nasıhattaǵany úshin eki azamat 7 jylǵa sottaldy.