Astanada ekologııalyq aılyq 13 qyrkúıekten bastalady
ASTANA. KAZINFORM — Elordada 13 qyrkúıekten 11 qazanǵa deıin dástúrli «Taza Qazaqstan: Taza Astana» ekologııalyq aılyǵy ótedi, dep habarlaıdy qala ákimdiginiń resmı saıty.
Aılyq barysynda qala aýmaǵyn qoqystan tazartý, saıabaqtar men gúlzarlardy, aýlalar men saýda oryndaryn, qoǵamdyq tamaqtaný nysandaryn jáne ózge de uıymdarǵa irgeles aýmaqtardy jınaý jumysy josparlanǵan.
Ekoaılyq barysynda elordanyń alty aýdanynda aǵash otyrǵyzylady.
Ákimdik barlyq qala kásiporyndaryn, PIK (MIB), shaǵyn jáne orta bıznes ókilderin, volonterlerdi jáne janashyr turǵyndardy ekoaktsııaǵa qosylyp, qalany abattandyrýǵa belsene qatysýǵa shaqyrady.
Eske salaıyq, ekoaktsııanyń negizgi maqsaty — qala kósheleriniń tazalyǵyn saqtaýǵa qoǵam nazaryn aýdarý jáne ekologııalyq mádenıetti qalyptastyrý. Qala kóshelerin, aýlalaryn abattandyrýǵa kez kelgen turǵyn men uıym óz úlesin qosa alady.
Budan buryn Astanadaǵy aqyly turaqtar kommýnaldyq menshikke qashan qaıtarylatynyn jazdyq.