Astanada ekinshi aýysym oqýshylary qashyqtan oqıdy

Búgin aýa raıynyń qolaısyzdyǵyna baılanysty ekinshi aýysymnyń 0-4 synyp oqýshylary qashyqtan oqıdy. Bul týraly Astana qalalyq bilim basqarmasy habarlady. 

- 2025 jylǵy 13 aqpan kúni aýa raıynyń qolaısyzdyǵyna baılanysty ekinshi aýysymnyń 0-4 synyp oqýshylary qashyqtan oqytý formatyna aýystyrylady, - delingen habarlamada.

Eske salsaq  13 aqpan saǵat 11:00-de aýa raıynyń buzylýyna baılanysty kelesi respýblıkalyq mańyzy bar avtojoldarda kólikterdiń barlyq túriniń qozǵalysyna shekteý qoıylǵan edi.

Qaraǵandy oblysy boıynsha  "Qyzylorda - Jezqazǵan - Qaraǵandy - Shiderti" avtojolynyń 970-1135 shaqyrym aralyǵy (Qaraǵandy qalasynan Pavlodar oblysynyń shekarasyna deıin).

Pavlodar oblysy boıynsha "Qyzylorda - Jezqazǵan - Qaraǵandy - Shiderti" avtojolynyń 1135-1206 shaqyrym aralyǵy (Qaraǵandy oblysynyń shekarasynan Shiderti aýylyna deıin).

Joldy 2025 jylǵy 14 aqpan saǵat 08:00-de ashý josparlanǵan.