Astanada Dúnıejúzilik ıslam ekonomıkalyq forýmy ótedi
«Tusaýkeser rásimi 5 shilde kúni EKSPO aýmaǵyndaǵy Kongress-Ortalyq ǵımaratynda ótedi. Resmı ashylýdyń aldynda «Astana» xalyqaralyq qarjy ortalyǵyn damytýdyń strategııalyq baǵyttary boıynsha plenarlyq sessııalar uıymdastyrylady. Sonyń ishinde XIII Dúnıejúzilik ıslam ekonomıkalyq forýmy bar. Dál sol kezde Nazarbaev ortalyǵynda «Astana» qarjy ortalyǵynyń quqyqtyq máseleleri boıynsha alǵashqy Halyqaralyq konferentsııa ótedi», - dedi «Astana» HQO basqarýshysy Qaırat Kelimbetov Úkimettiń búgingi otyrysynda.
Onyń aıtýynsha, búginde qarjy ortalyǵynyń ınfraqurylymy men tıisti organdary quryldy. Sonyń ishinde basqarý jónindegi keńes, ákimshilik, qarjylyq qyzmetter jónindegi komıtet, bırja, sot pen xalyqaralyq tórelik bar. Al shetel azamattarynyń vızalyq máselelerin shuǵyl sheshý úshin Ekpat ortalyǵy ashyldy. «Astana» qarjy ortalyǵynyń aýmaǵy da keńeıip otyr.
