Astanada drondar shoýyn 100 myńnan astam adam tamashalady
ASTANA. KAZINFORM - Elorda kúnine oraı qala turǵyndary men qonaqtary úshin aspanda drondardyń biregeı shoýy uıymdastyryldy, dep habarlaıdy Astana ákimdiginiń resmı saıty.
6 shildede EKSPO aýmaǵynda «Open Air» merekelik kontsertinen keıin «ASPAN» Jaryq dron-shoýy ótti.
Drondar túngi aspanda tómendegideı beınelerdi kórsetti:
Jer Planetasy
Qazaqstan kartasy
Shańyraq
Zymyran jáne Satýrn
Báıterek
«Taza Qazaqstan»
Qazaqstan Týy
Júrek jáne Astana
Drondar shoýy úshin aspanǵa 1250 jyldamdyqty radıomen basqarylatyn apparat ushyryldy, onyń 70-i - pırotehnıkalyq drondar. Bul - dron sımbıozy men pırotehnıkanyń jańa tehnologııasy. Barlyq kórneki áser qazaq jáne sheteldik kompozıtorlardyń mýzykasymen úndestirildi.
Aıta ketý kerek, 100 myńnan astam adam «Open Air» merekelik kontsertine jáne drondar shoýyna qatysty. Túrli-tústi jaryq shoýy demeýshilik qarajat esebinen uıymdastyrylǵan.
Ashyq aspan astyndaǵy merekelik kontsertte otandyq estrada juldyzdary Ninety one, Orda, Raim, Sadraddin, Kalifarniya, Nazima, Alpha, T ' OI, Imzi, Qurmash Mahan, Jazzdauren jáne basqa da ártister óner kórsetti.
Sonymen qatar 7 shildede EKSPO alańynda dombyra kúnine arnalǵan merekelik shoý-kontsert ótedi. Kesh qonaqtary: «Qorqyt" etno-folklorlyq ansambli, «Made in KZ» toby, Ibragım Eskendir jáne «Altyn Dombyra» balalar shyǵarmashylyq ortalyǵy, «Assyl» toby, Kalifarniya, Qanay, Aqtoty Bolshova jáne basqa da ártister.
