Astanada «Denıs Tendi eske alaıyq» aktsııasy ótýde
Elorda turǵyndary Kenesary han eskertkishi janyndaǵy Arbatqa gúlder ákelip, maıshamdar jaǵýda.
Aıta keteıik, almatylyqtar da Denıs Tenniń qazasyna ortaqtasyp, ony urylar pyshaqtaǵan jerge gúl shoqtaryn qoıýda. Kelip jatqan adamdar qarasy kóbeıe túsýde.
Qalalyq ІІD baspasóz qyzmetiniń habarlaýynsha, oqıǵa Qurmanǵazy Baıseıitova kósheleriniń qıylysynda búgin túski saǵat 15:00 shamasynda bolǵan. Sportshy kóliginiń aınasyn urlamaq bolǵan eki adamnyń ústinen túsken. Arada bastalǵan janjaldyń saldarynan urylar Denıs Tenge pyshaq suǵyp alǵan. Ol oń jaq sanynyń joǵarǵy tusyna jaraqat aldy. 25 jastaǵy Ten úsh lıtr qan joǵaltyp, aýrýhanaǵa óte aýyr jaǵdaıda jetkizildi. Biraq Almaty qalalyq Densaýlyq saqtaý basqarmasynyń basshysy Serikbol Mýsınov qosymsha qan qajet emestigin jáne resýrstar jetkilikti ekendigin málim etken bolatyn.
2,5 saǵatqa jalǵasqan reanımatsııalyq sharalarǵa qaramastan, aýrýhana dárigerleri onyń ómirine arasha túse almady. Saǵat 17.30-da Olımpıada júldegeri qaıtys boldy.
Adam óltirý babymen qylmystyq is qozǵaldy.
