Astanada Denıs Tendi eske alýǵa arnalǵan halyqaralyq týrnır ótedi

ASTANA. KAZINFORM - 3-5 qazan kúnderi «Barys Arena» sport kesheninde mánerlep syrǵanaýdan «Denis Ten Memorial Challenge 2024» V Halyqaralyq týrnıri ótedi, dep habarlaıdy Astana ákimdiginiń resmı saıty.

Týrnırge 31 elden 120-ǵa jýyq sportshy qatysady, olardyń arasynda Dıas Jırenbaev (Qazaqstan), Danıel Grassl (Italııa), Anastasııa Gýbanova (Grýzııa), Starr Endrıýs (AQSh), Aleksa Rakıch (Kanada), Ie Kýan jáne Hanna Lım (Ońtústik Koreıa) jáne basqalary bar.

Jarys eki sanatta ótedi — eresekter men jasóspirimder, jeke konkımen syrǵanaý jáne muz bıi.

Kórermender úshin kirý tegin.

Sonymen, týrnır 3 jáne 4 qazanda saǵat 11.00-den 20.00-ge deıin jáne 5 qazanda saǵat 19.30-da marapattaý rásimi men gala-shoý ótedi.

Jarys kestesi uıymdastyrýshynyń, ıaǵnı «Denıs Ten qory» qoǵamdyq qory @denistenfoundation resmı paraqshasynda jarııalanady.

Іs-shara Qazaqstannyń týrızm jáne sport mınıstrliginiń, Astana ákimdiginiń jáne Sportqory sportty qoldaý qorynyń qoldaýymen uıymdastyrylady.