Astanada dene shynyqtyrý páni muǵalimderine arnalǵan dáris ótti

ASTANA. KAZINFORM — Halyqaralyq Olımpıada kúnin merekeleý aıasynda Qazaqstan Respýblıkasynyń Ulttyq Olımpıadalyq komıteti QR Oqý-aǵartý mınıstrligimen birlesip, Astana qalasynyń dene shynyqtyrý jáne sport páni muǵalimderine arnalǵan arnaıy dáris uıymdastyrdy.

QR UOK málimetinshe, atalǵan is-sharanyń seriktesi retinde Ulttyq dene shynyqtyrý ǵylymı-praktıkalyq ortalyǵy qoldaý kórsetti.

Іs-shara barysynda qatysýshylarǵa olımpıadalyq qozǵalystyń tarıhy, qazirgi qurylymy jáne QR UOK-niń negizgi qyzmettik baǵyttary jóninde tolyq aqparat berildi.

Sondaı-aq dáris taqyryptarynyń qataryna UOK-niń bilim berý bastamalary – semınarlar, biliktilikti arttyrý dáristeri men dene shynyqtyrý salasyndaǵy mamandarǵa arnalǵan aǵartýshylyq baǵdarlamalar kirdi.

- Óskeleń urpaqqa olımpıadalyq qundylyqtardy sińirý - bizdiń basty baǵyttarymyzdyń biri. Bul úderiste muǵalimderdiń róli erekshe. Dál osy ustazdar balalardyń sportqa, ádil oıynǵa, qurmet pen ózin-ózi jetildirýge degen kózqarasyn qalyptastyrady, – dedi QR UOK Sport departamentiniń dırektory Bektur Qııatbaı.

Aıta keteıik, bul dáris buǵan deıin Astana men Almaty qalalaryndaǵy mektep oqýshylaryna tanymal qazaqstandyq sportshylardyń qatysýymen ótken Olımpıadalyq sabaqtyń jalǵasy boldy.

Eske salsaq, Qazaqstan boksshylary Taılandtaǵy halyqaralyq týrnırge qatysady.