Astanada dástúrli Mahambet oqýlary ótedi

ASTANA. QazAqparat - 17 qazanda elordadaǵy M. Ótemisov atyndaǵy oqýshylar saraıynda «Mahambet - tarıhı tulǵa» atty Mahambet oqýlarynyń qalalyq baıqaýy ótedi, dep habarlaıdy qalalyq ákimdiktiń baspasóz qyzmetine siltememen QazAqparat.

Konkýrs XIX ǵasyrdyń birinshi jartysyndaǵy qazaq poezııasynyń kórnekti ókilderiniń biri Isataı Taımanuly bastaǵan ult-azattyq qozǵalystyń rýhanı kóshbasshysy, qazaqtyń uly aqyny Mahambet Ótemisovke arnalǵan.

Mahambet oqýlarynyń qalalyq baıqaýyna 8-17 jastaǵy 100 bala qatysady. Basty kezeńge 60 mekteptiń ishinen 24 mekteptiń oqýshylary ótti.

Bıyl «Mahambet - tarıhı tulǵa» qalalyq baıqaýy «Men - Ótemistiń balasy Mahambet atty batyrmyn», «Tartynbaı sóıler asylmyn...» nomınatsııalary boıynsha ótedi.

2003 jyly astanalyq oqýshylar saraıyna batyr babamyz Mahambettiń esimi berildi. Oqýshylar saraıy 13 jyldan beri Mahambet oqýlaryn uıymdastyryp keledi.