Astanada búginnen bastap 3 ekspress avtobýs iske qosylady
ASTANA. KAZINFORM — Elordada 25 qańtardan bastap jańa № 506, 507, 508 ekspress-baǵdarlary jolǵa shyǵady, dep habarlaıdy CTS kompanııasynyń baspasóz qyzmeti.
Olar:
№ 506 — І. Jansúgiruly kóshesi — «Family village» turǵyn úı kesheni;
№ 507 «Nurly jol» temirjol vokzaly — «Jaǵalaý-4» turǵyn úı kesheni;
№ 508 «Nurly jol» temirjol vokzaly — «Materıaldyq-tehnıkalyq qamtamasyz etý basqarmasy».
Jańa baǵdarlar qalanyń mańyzdy baǵyttaryn qamtıdy.
Atap aıtqanda, № 506 baǵdar Máńgilik el dańǵylymen týra júretin bolsa, № 507 ekspress-baǵdar Syǵanaq kóshesimen Máńgilik El dańǵylyna deıin tikeleı júrip, buǵan deıin qoǵamdyq kólik qatynasy bolmaǵan Qabanbaı batyr dańǵylynan Máńgilik El dańǵylyna deıingi bóliginde kóliktik qyzmetti qamtamasyz etedi.
№ 508 baǵdar Q. Muhamedhanov kóshesiniń jańa ýchaskesimen (Sh. Aıtmatov kóshesinen Qorǵaljyn tasjolyna deıin), Saraıshyq kóshesimen «Mınıstrlikter úıi» aıaldamasyna deıin tikeleı qatynaıdy, odan ári J. Nájimedenov kóshesimen «Nurly jol» temirjol vokzalyna deıin júredi.
Jańa baǵyttar ýaqytyńyzdy únemdeýge jáne qala ishinde qatynaýdy jeńildetýge múmkindik beredi. Osy baǵyttaǵy jumystar jalǵasady.
Buǵan deıin Astana mańyna ekopark salatyn bes aýmaq usynylǵanyn jazǵan edik.