Astanada búgin Jeńistiń 80 jyldyǵyna arnalǵan áskerı parad ótedi

ASTANA. KAZINFORM – Astanadaǵy Táýelsizdik alańynda búgin Jeńistiń 80 jyldyǵyna arnalǵan áskerı parad ótedi.

Saltanatty is-sharaǵa 4 000-nan astam áskerı qyzmetshi, 200-den astam áskerı tehnıka, sondaı-aq maıdandyq, armııalyq jáne áskerı-kóliktik avıatsııanyń 66 ushaǵy men tikushaǵy qatysady.

Mereıtoı aıasyndaǵy sherý respýblıkalyq telearnalardan, elimizdiń barlyq qalasynda LED-ekrandardan, Qorǵanys mınıstrliginiń resmı YouTube-arnasynan tikeleı efırde kórsetiledi.

Sondaı-aq Jibek Joly telearnasynan tikeleı efırde jáne Kazinform saıtynan tamashalaýǵa bolady.

Paradqa baılanysty birqatar kóshede ýaqytsha shekteýler engizilip, avtobýs baǵyttary ózgeredi, keıbir jaıaý júrginshiler ótkelderi jabylady.

Elordada ótetin aýqymdy áskerı parad qarsańynda Kazinform agenttiginiń tilshisi elimizdiń Qurlyq áskerleriniń bas qolbasshysy general-maıor Mereke Kóshekbaevpen tildesken edi. Ol Jeńistiń 80 jyldyǵyna arnalǵan áskerı paradqa basshylyq jasamaq. General daıyndyq barysynyń egjeı-tegjeıimen bólisip, bıylǵy elimizdiń basty áskerı oqıǵasy nesimen tań qaldyratynyn aıtyp berdi.