Astanada búgin qar aralas jańbyr jaýyp, kóktaıǵaq boldy
ASTANA. KAZINFORM - Búgin Astanada jańbyr aralas qar jaýdy. Túngi aýysymǵa kósheni qardan tazartýǵa kommýnaldyq qyzmet 700-den astam arnaıy tehnıka men 150-ge jýyq jol jumysshysyn jumyldyrdy, dep habarlaıdy elorda ákimdigi.
Astanada qar kúreý jumysy táýlik boıy kúsheıtilgen rejımde júrgiziledi.
Birinshi kezekte ortalyq kóshelerde, jolaýshylar kóligi marshrýttarynda, aıaldamalar men trotýarlarda tazalap jatyr.
Qys basynan bastap 6 mln tekshe metrden astam qar shyǵaryldy, bul 447 myńnan astam aýyr júk kólemine teń.
Kóktaıǵaq kezinde qala turǵyndarynyń yńǵaıly qozǵalysy úshin joldarǵa, trotýarlar men kóshelerge qum-tuz qospasy sebiledi.
«Avtokólik júrgizýshilerinen jolda muqııat bolýdy, jyldamdyq rejımin saqtaýdy suraımyz» dep eskertedi ákimdikten.
Esterińizge sala keteıik, Qazgıdromet málimetinshe, Astanada 10 naýryzda kún bultty, jańbyr aralas qar jaýyp, kóktaıǵaq bolady.
Ońtústik-batystan soǵatyn jeldiń ekpini — 9-14 m/s. Aýa temperatýrasy túnde jáne kúndiz -2-4 gradýs sýyq.
