Astanada búgin 40 jup shańyraq kóterdi
Uıymdastyrýshylardyń sózine qaraǵanda, osyǵan deıin shara qatysýshylarynyń arasynda ajyrasý degen atymen bolmaǵan. Bul joly neke kýáligi bir ýaqytta 40 jupqa berildi.
Jas jubaılar Álisher men Lılııa Ermuhanovtar AHAT bólimine ótinish berý úshin osy kúndi arnaıy kútkenin aıtady.
«Biz byltyr osyndaı aktsııa ótkizilgeni týraly estip edik. Úılený týraly qańtarda sheshim qabyldadyq. Biraq biz elordanyń 20 jyldyǵyna oraı shańyraq kóterýdi arnaıy josparladyq. Osy sharaǵa qatysqymyz keldi», - deıdi baqytty kelin.
Taǵy bir jup Abaı men Móldir Ǵalymjanovtar o basta bul aktsııaǵa qatysýdy oılamaǵan kórinedi.
«Biz bir aı buryn ótinish tapsyrǵan kezde ádettegi kúnderdiń biri bolady dep oıladyq. Bir aptadan soń AHAT bólimindegiler qońyraý shalyp, osy aktsııaǵa qatysýdy usyndy. Biz kelise kettik. Keýdemizdi qýanysh kernep tur. Uıymdastyrýshylar barynsha áreket jasapty: sý da burynnan ázirlep qoıylǵan, fotograftar da kóp boldy», - deıdi Móldir.
Astana kúnine oraı uıymdastyrylatyn saltanatty shara 2007 jyldan beri ótkizilip keledi. Osy ýaqyt aralyǵynda sharaǵa 350 jas jubaı qatysqan. Olar qazir 800-den astam balany tárbıelep otyr.