Astanada birinshi aýysymnyń 0-6 synyp oqýshylary onlaın oqıdy

ASTANA. KAZINFORM — Elordada aýa raıynyń qolaısyzdyǵyna baılanysty birinshi aýysymnyń 0-6 synyp oqýshylary onlaın formatqa kóshirildi. Bul týraly qalalyq bilim basqarmasynyń baspasóz qyzmeti habarlady.  

— 2026 jylǵy 13 aqpan kúni aýa raıynyń qolaısyzdyǵyna (aýa temperatýrasynyń odan ári tómendeýi) baılanysty birinshi aýysymnyń 0-6 synyp oqýshylary qashyqtan oqytý formatyna aýystyrylady, — delingen bilim basqarmasynyń habarlamasynda.

Aıta ketelik búgin aýa raıynyń qolaısyzdyǵyna baılanysty birinshi aýysymnyń 0-11 (12) synyp oqýshylary jáne kolledjderdiń 1-2 kýrstyń stýdentteri qashyqtan oqyǵan edi.