Astanada brendtelgen sý jańa avtobýstar qatynaıtyn bolady

ASTANA. KAZINFORM — 25 maýsymnan bastap Astana kóshelerine brendtelgen 100 jańa avtobýs shyǵady. Olardyń sándi dızaıny V Dúnıejúzilik kóshpendiler oıyndary úshin arnaıy ázirlengen. Onda Qazaqstannyń zamanaýılyǵy men mádenıeti beınelengen. Bul týraly elorda ákimdiginiń resmı saıty jazdy.

Avtobýstardan erekshe jańashyldyqty baıqaýǵa bolady. Zamanaýı ári estetıkalyq jaǵynan bezendirilgen avtobýstarda jaılylyqty qamtamasyz etetin kúsheıtilgen jaryqtandyrý jáne aýa baptaý júıesi bar.

Jolaýshylardy aqparattandyrý ári kóńil kóterý úshin ınnovatsııalyq mýltımedııalyq júıeler qarastyrylǵan.

Mamandardyń sózinshe, bul avtobýstar kólik júıesin bezendirip qana qoımaı, sonymen qatar qalanyń progress pen tehnologııalyq ınnovatsııalarǵa degen umtylysyn bildiretin «erekshelik» bolady.