Astanada birqatar mektepke tanymal tulǵalardyń esimi beriledi

NUR-SULTAN. QazAqparat – Nur-Sultan qalasyndaǵy birqatar bilim berý oshaǵyna elimizge keńinen tanymal tulǵalardyń esimin berý máselesi qalalyq máslıhattyń otyrysynda qaraldy, dep habarlaıdy QazAqparat tilshisi.

«Bıyl 28 sáýirde qalalyq onomastıka komıssııasynyń kezekti otyrysy ótti. Sol jerde elordanyń birqatar bilim mekemesine ataý berý máselesi talqylandy. Atap aıtqanda №1 qalalyq mektep lıtseıge Keńes Odaǵynyń eki márte batyry Talǵat Bıgeldınovtiń esimin berý, №70 mektep lıtseıge kórnekti memleket jáne qoǵam qaıratkeri Temirbek Júrgenovtiń esimin berý, №92 mektep lıtseıge geologııa-mınerologııa ǵylymynyń doktory, professor, Qazaqstan ǵylym akademııasynyń alǵashqy quryltaıshylarynyń biri Aqjan Ál-Mashanıdiń esimin berý, №65 mektep gımnazııaǵa aqyn, jazýshy Maǵjan Jumabaevtyń esimin berý, №88 mektep lıtseıge belgili aqyn Qadyr Myrza Áliniń esimin berýdi jáne №1 óner mektebine belgili kúıshi Táttimbet Qazanǵapulynyń esimin berýdi sizderdiń nazaryńyzǵa usynyp otyrmyz», - dedi Nur-Sultan qalasy tilderdi damytý jáne arhıv isi basqarmasynyń basshysy Sáken Esirkep máslıhat otyrysynda jasaǵan baıandamasynda.

Sondaı-aq, basqarma basshysy qalalyq máslıhat depýtattarynan atalǵan usynysty qoldaýyn surady.

«Bul joba Qazaqstan Respýblıkasynyń qoldanystaǵy zańnamalaryna qaıshy kelmeıdi. Sol sııaqty normatıvtik-quqyqtyq aktilerge qoıylatyn talaptardy buzbaıdy», - deıdi ol.