Astanada belgilenbegen jerge qoqys tókken 600-den astam júrgizýshige aıyppul salyndy
Polıtsııa departamentiniń baspasóz qyzmeti taratqan málimetke sáıkes, abattandyrý erejelerin buzǵandarǵa jalpy 35 mln teńgeden astam aıyppul salynǵan. Sonyń ishinde belgilenbegen oryndarǵa qoqys tastaǵany úshin 542 júrgizýshi jáne las qaldyqtardy tókkeni úshin 74 júrgizýshi ustalǵan.
Polıtseıler qurylys nysandarynyń basshylaryna qalada abattandyrý erejelerin saqtaý týraly únemi túsindirý jumystaryn ótkizedi. Alaıda, qurylys kompanııalary qoqystyń jolǵa shyǵarylýyna jol beredi, nysandardyń aýmaǵyn tıisti jaǵdaıda ustamaıdy jáne qurylys qoqystaryn «Eko polıgonǵa» jetkizbeıdi. Jyl basynan beri osyndaı zań buzýshylyqtar úshin 261 kompanııaǵa jalpy somasy 2 mln 281 myń teńge aıyppul salyndy.
Qurylys uıymdaryna qatysty qaldyqtardy basqarý salasyndaǵy ekologııalyq zańnamanyń saqtalýyna, sondaı-aq 25 qurylys uıymy boıynsha sharýashylyq qyzmetti júzege asyrý barysynda ekologııalyq normalardyń saqtalýyna tekserý júrgizý úshin Astana qalasy boıynsha Ekologııa departamentine aqparat jiberildi.
Foto: shutterstock.com