Astanada balany mektepke daıyndaý qansha turady
Astanalyq ata-analar úshin balasyna mektep formasyn jáne oqý quraldaryn satyp alýda tańdaý kóp.
Qajetti zattardy bazardan, arnaıy jármeńkelerden, iri saýda ortalyqtarynan nemese tapsyrys boıynsha mektep formasyn tiktirý múmkindikteri bar.
Jappaı naryqta klıentterge arzan baǵamen mektep formasyn usynatyn birneshe dúken bar. Solardyń birinde uldarǵa arnalǵan shalbar 6 990 teńgeden bastalady.
Kostıým 12 990 teńge jáne odan joǵary turady. Qyzdarǵa arnalǵan ıýbka 4990 teńge, sarafandy 5 900-6 990 teńge aralyǵynda satyp alýǵa bolady.
Ataýly saýda belgilerinde uldarǵa arnalǵan shalbardy 12-14 myń teńgege nemese 17 myń teńgege neǵurlym sapaly kıim ala alasyz.
Jeıde baǵasy 7-den 10 myń teńgege deıin. Aıaq kıimniń quny - 20-dan 28 myń teńgege deıin. Rıýkzak - 10-16 myń teńge aralyǵynda.
Otandyq óndirýshiler tigetin mektep formasy da naryqta suranysqa ıe. Qyzdarǵa arnalǵan jempirler 10 myń teńgege satylady.
Shorty-ıýbka (tennıska) 10 myń teńgege satylyp jatyr. Qyzdarǵa arnalǵan blýzka quny 9 myń teńgeden bastalady. Qyzdarǵa arnalǵan aıaq kıim - 19 990 teńge.
Uldarǵa arnalǵan polo jeıde 5 myń teńge turady. Uldarǵa arnalǵan shalbar - 12 myń teńgeden bastap. Pıdjak 16 myń teńgeden bastalady, al jılet quny 7 myń teńge.
Belgili bolǵandaı, ata-analardyń kóbi mektep formasy men oqý quraldaryn alýǵa bazarǵa barady. Bazarda rıýkzak 5 myń teńge jáne odan joǵary turady.
Satýshylarmen kelisip, jeńildikpen satyp alý múmkindigi bar. Mysaly, qyzdarǵa arnalǵan blýzkalar 3 500 teńge, ıýbkalar 3 myń teńgeden bastalady.
Shalbar 7 500 teńge jáne odan joǵary. Uldarǵa arnalǵan jeıde - 3 500 teńge, shalbar - 7 myń teńge, 5 myń teńgege túsirip alýǵa múmkindik bar, kýrtkany 2500 teńgege satyp ala alasyz.
Jempirdi 3 myń teńgege satyp alýǵa bolady. Qyzdarǵa arnalǵan aıaq kıimdi 7 myń teńgege, uldardykin 6 myń teńgege jáne odan joǵary baǵada alasyz.
Krossovka 5 myń teńgeden bastalady.
Jabyq bazarlarda baǵa sál ózgeshe. Qyzdarǵa arnalǵan blýzkalar 9 myń teńge, jasóspirimderge arnalǵan ıýbka 12 500 teńge, al kishkentaı qyzdar ıýbkasy 4 500 teńge turady.
Uldarǵa arnalǵan shalbar 6 myń teńgeden bastalady. Jeıdelerdi 6 myń teńgege satyp alýǵa bolady.
Kúrte quny 8 myń, bombardırler 11500 teńge. Uldarǵa arnalǵan komplekt 18 myń teńgeden bastalady.
Onyń ishine kúrte, keýdeshe (jıletka) jáne shalbar kiredi.
Qyzdarǵa arnalǵan sarafandardyń quny - 7,5 myń teńge. Qyzdar men uldarǵa arnalǵan aıaq kıim 12500 teńge turady. Krossovka quny - 10500 teńge.
Jabyq bazarlarda oqý quraldarynyń baǵasy da ártúrli. Dápterler 35 teńgeden bastalady, eger kóp alsańyz 25 teńgege túsiredi. Qalyń dápter (36 bet) 170 teńge turady.
Sýret salýǵa arnalǵan albom (24 bet) 500 teńge turady. Flomasterler 800 teńge jáne odan joǵary, túrli-tústi qaryndashtar da 800 teńgege satylyp jatyr, qymbatyn alýǵa da bolady.
Keńse taýarlary men mektep formasynyń eń tómengi baǵasy - jármeńkelerde. Munda qyzdar men uldarǵa arnalǵan jınaq 14 jáne 15 myń teńge turady.
Uldarǵa arnalǵan jıyntyqtyń ishinde keýdeshe (jıletka) shalbar jáne pıdjak bar. Jeıdeni bólek 4-5 myń teńgege satyp alýǵa bolady.
Aıaq kıim, krossovka 6 myń teńge jáne odan joǵary turady. Al qyzdarǵa arnalǵan toptamada pıdjak pen shalbar bar, ıýbka bólek 4-5 myń teńge turady.
Mektep jármeńkesinde satýshylar qarapaıym dápterler men A4 qaǵazynyń baǵasy tómendegenin atap ótti.
Ótken jyly A4 qaǵazynyń quny 4-4,5 myń teńge bolsa, bıyl 2,5 myń teńge turady. Ótken jyly 12 paraqqa arnalǵan kádimgi dápterler 40 teńgeden satyldy. Qazir 20 teńgeden satylyp jatyr.
Oqý quraldaryna kelsek, dápter 20 teńge, al qalyń dápter (24 bet) - 150 teńge, 36 paraqty - 160 teńge turady.
Qalamdardyń baǵasy ádemi muqabasy men sapasyna baılanysty, jalpy 20 teńgeden bastalady. Túrli-tústi qaryndashtardy 300 teńgeden jáne odan joǵary baǵaǵa satyp alýǵa bolady.
Qaryndashtar jıyntyǵynyń baǵasy 500-den 2 myń teńgege deıin. Sýret salýǵa arnalǵan albom 300 teńgeden bastalady.
Rıýkzaktardy 6 myń teńge jáne odan joǵary somaǵa satyp alýǵa bolady.
Balalar álemi dúkenderinde 1-synypqa arnalǵan oqý quraldarynyń sebeti 5900 teńgeden bastalady. Atap aıtqanda, dápter 30 teńge turady.
Qalam 25 teńge, qaryndash 40 teńge. Sonymen qatar túrli tústi qaǵaz 75 teńge, qaryndash ushtaǵysh 75 teńge jáne jelim 145 teńge turady.
Odan bólek, túrli tústi qaryndashtar 225 teńge, túrli tústi karton 265 teńge, akvarel – 265 teńge, óshirgish 75 teńge jáne plastılındi 280 teńgege satyp alýǵa bolady.
Ortasha eseppen ıaǵnı qarapaıym standartpen alǵanda ata-ana balany mektepke daıyndaýǵa 123 myń teńge jumsaıdy.
Atalǵan somaǵa keńse taýarlary, kıimnen shalbar, kóılek, pıdjak, keýdeshe (jıletka), aıaq kıim, rıýkzak jáne krossovka kiredi.
Degenmen, dúken aralap júrgen ata-analar negizinde joǵaryda atalǵan somadan da kóp ketetinin aıtyp otyr.
Onyń ústine ár ata-ana balasyna sapaly kıim men oqý quralyn alǵysy keletini ras.
