Astanada balalardy qorǵaý kúni merekesi qalaı toılanady
ASTANA. KAZINFORM – 1 maýsym kúni álemde Halyqaralyq balalardy qorǵaý kúni atap ótiledi. Jazdyń alǵashqy merekesine oraı Astananyń bes aýdanynda ondaǵan túrli is-sharalar, onyń ishinde kontsertter, aktsııalar, kórmeler, jarystar, shyǵarmashylyq festıvaldar jáne t.b. ótedi, dep habarlaıdy elorda ákimdiginiń resmı saıty.
30 mamyr kúni saǵat 18:00-de Amfıteatrda «Jasyl el» maýsymynyń ashylý saltanaty ótedi.
31 mamyr kúni tańǵy saǵat 10-da «Bılaın Arena» tennıs ortalyǵynda «Baqytty shańyraq» qoǵamdyq qory balalarǵa arnalǵan merekelik is-shara uıymdastyrady.
Dál osy ýaqytta Temirjolshylar turǵyn alabynyń saıabaǵynda turǵyndardy «ıÝNIMOTO» motokrosy boıynsha kórsetilimge shaqyrady.
30 mamyr kúni saǵat 10.00-de Dostyq úıinde «Balalardy qorǵaý – el bolashaǵyn qorǵaý» atty dóńgelek ústel ótedi.
Saǵat 18:00-den bastap estrada ártisteriniń qatysýymen Esil ózeninde teatr formatynda kontserttik baǵdarlama uıymdastyrylady.
Sonymen qatar, Ǵashyqtar saıabaǵynda oıyn-saýyq baǵdarlamasymen Eýropa elderiniń ónimderiniń jármeńkesi uıymdastyrylady.
M. Ótemisov atyndaǵy Oqýshylar saraıynyń alańynda «Balalyq shaq energııasy» festıvali ótedi.
Jazýshylar alleıasynda saǵat 12:00-de «Salaýatty ómir salty – salaýatty otbasy» bı fleshmobyna jáne «Balǵyn balalarymyz – bizdiń bolashaǵymyz» balalyq shaq merekesi is-sharasy uıymdastyrylady.
Saǵat 12:00-14:00 aralyǵynda «Jeruıyq» saıabaǵynda «Sálem, jaz!» jáne «Eldiń baqyty – balalyq shaǵy» merekelik kontsert ótedi.
Trıatlon saıabaǵynda osy ýaqytta «Ailand Family Run» otbasylyq jarysy ótedi.
Bir kún boıy Ailand otbasylyq demalys ortalyǵynyń janyndaǵy attraktsıondar saıabaǵynda balalarǵa arnalǵan anımatsııalyq baǵdarlamamen jazǵy festıval ótedi.
Kóktal turǵyn alabynyń Qorǵaljyn alańynda tańǵy saǵat 10.00-den bastap qonaqtarǵa arnalǵan «Koktal Junior» kontserttik baǵdarlamasy uıymdastyrylady.
Qýyrshaq teatry merekege oraı M.Argımbaevtyń «Elvın jáne sıqyrly orman turǵyndary» ertegisin ázirlep otyr. Kórsetilim ýaqaty: saǵat 12:00 jáne 16:00.
31 mamyr kúni «Mega Silk Way» SOO-da «Nıkýlınniń Máskeý tsırki» óner kórsetedi. Qoıylymdar 1-25 maýsym aralyǵynda ótedi.
31 mamyrda saǵat 11.00-den bastap Kóktal saıabaǵynda erekshe bilim berý qajettilikteri bar balalar úshin kóńildi starttar ótedi.
«Jeruıyq» saıabaǵynda osy kúni saǵat 15:00-de arqan tartý, gir kóterý, asyq atý jáne t.b. boıynsha ulttyq sporttyq oıyndar uıymdastyrylady.
Trıatlon saıabaǵynda saǵat 15:00-de «Ákem, anam jáne men – tatý otbasy» atty dástúrli kóńildi starttar ótedi.
Astanalyqtar «Baqytty balalar – beıbit eldiń tiregi» kontsertin Kırpıchnyı, Qazqalashyq, Óndiris turǵyn alaptarynda jáne Atatúrik saıabaǵynda saǵat 11:00-de tamashalaı alady.
Atatúrik saıabaǵynda qonaqtarǵa arnalǵa asfaltqa sýret salý, balalarǵa arnalǵan kóńildi starttar, anımatorlardyń qoıylymdary jáne tátti syılyqtar taratý is-sharalary ótedi.
«Jetisý» jáne «Astanalyq» saıabaqtarynda saǵat 15:00-de erekshe balalar arasynda kóńildi starttar uıymdastyrylady.
1 jáne 2 maýsymda Jetisý saıabaǵynda tańǵy 10-nan bastap «Bópe fair» otbasylyq festıvali jumys isteıdi. 2-10 maýsym aralyǵynda Ailand OSO attraktsıondar saıabaǵynda karaoke, bı battl, oıyndar men baıqaýlary bar balalarǵa arnalǵan kúndelikti shoý-baǵdarlama uıymdastyrylady.
Saǵat 6:30-da Trıatlon parkinde 1 maýsymda «Charity Samruk Marathon-2024» qaıyrymdylyq jarysy bastalady.
1 jáne 2 maýsymda qala alańynda 14:00-den 20:00-ge deıin «Creative Summer» festıvali ótedi.
1 maýsym kúni saǵat 15.00-de Arbatta «Qara, oqy» karaoke is-sharasy ótedi, búldirshinder sahnada tanymal ánderdi shyrqaı alady.
1 maýsymda elordalyq Amfıteatrda kúni boıy balalar shyǵarmashylyq jáne sport festıvali ótedi.
1 maýsym kúni saǵat 11.00-de Prıgorodnyı turǵyn alabynda balalarǵa arnalǵan merekelik kontsert ótedi.
Úrker turǵyn alabyndaǵy «Aıǵyrjal» alańynda saǵat 14:00-de balalarǵa arnalǵan shoý-baǵdarlamamen jáne anımatorlarmen kontsert bastalady.
Elordanyń barlyq bes aýdanynda ashyq alańdarda merekelik kontsertter ótedi.
«Jastar» teatry 11:00 jáne 12:30-da jas kórermenderdi L.Tolstoıdyń «Býratıno» ertegisine shaqyrady.
