Astanada balalar úshin biregeı etno-attraktsıondar ashylady
QR Ulttyq sport qaýymdastyǵynyń habarlaýynsha, jamby atýdan ótetin «Altyn jebe» І Álem chempıonatynan ózge bul kúnderi taǵy da kóptegen qyzyqty sharalar ótedi.
Atap aıtqanda, atalmysh mereke ótetin «Han shatyr» kesheniniń mańynda aýqymdy etno-qalashyq boı kóteredi. Balalar úshin biregeı etno-attraktsıondar ashylady. Ulttyq salt-dástúr men kitap kórmeleri ótedi. Aqyndar aıtysy uıymdastyrylady. Balalar men eresekterge arnalǵan aýdaryspaq, sadaq atý, arqan tartý, asyq atý sııaqty kóptegen ulttyq oıyn qatysýshylaryna marapattar men júldeli syılyqtar tabys etiledi.
Qazaq kúresiniń boz kilemi tóselip, ataqty balýandar sheberlik sabaqtaryn ótkizedi. Sondaı-aq, osy kúnderi etno-qalashyqqa kelgen búldirshinderge altybaqan tebý, ponı attarǵa minip serýendeý sııaqty qyzyqtar tegin kórsetiledi.
«Nur-Sultan Ethno Fest» festıvaliniń resmı ashylýy 31 mamyrda saǵat 19.00-de ótedi.
Sondaı-aq, etnofestıvalda balalarǵa arnalǵan etnoaımaq bolady. Onda balalardyń kıiz úıleri, qýyrshaq teatrynyń qoıylymy, etnoattraktsıondar (bala altybaqan, quryq tastaý, jamby atý), bala kúres, aýdaryspaq, asyq atý, toǵyzqumalaq, arqan tartys, láńgi, qappen sekirýden saıys ótkizilip, minýge attar beriledi.
Buqaralyq etno-mádenı-sporttyq sharalar qatarynda kıiz úı qalashyǵy, altybaqan, naıza laqtyrý, arqan tartys, qol kúres (armrestlıng), taıaq tartys (masrestlıng), dástúrli sadaq atý, serke kóterý, asyq atý, toǵyzqumalaq, aıtys, rekordshylar alańy, etnotsırk, qazaq batyrlary bar.
Etnojármeńke barysynda sheberler aýyly uıymdastyrylyp, onda qolóner buıymdary saýdalanady. Ulttyq aspaptar, kitap kórmesi, tarıhı-etnıkalyq jádigerler, etnobazar, tórt túlik (jylqy, túıe, qoı), sáıgúlikter, búrkit, qarshyǵa, ıtelgi, tazy ıt kórmesi ótkiziledi.
Sonymen qatar qamshygerlik, tezge salý, qolqa salý, tyǵyryqqa tireý, arqan órý, qamshy órý, shańyraq kóterý sekildi salt-dástúrler kórsetiledi.
Sharanyń baǵdarlamasy:
30 MAMYR, BEISENBІ. JAŃǴYRÝ KÚNІ
10:00 - 22:00 «Khan Shatyr» kesheniniń mańy. Etnoqalashyqtyń qurylýy
31 MAMYR, JUMA. FESTIVALЬDІŃ І KÚNІ
10:00 - 13:00 Etnosporttyq oıyndar kórinisi (kókpar, aýdaryspaq, teńge ilý, dástúrli sadaq atý, qamshygerlik)
14:00 - 18:30 «Altyn jebe» І Álem chempıonaty. At ústinde sadaq atý. Oqý-jattyǵý kezeńi. Jerebe tartý rásimi
19:00 - 20:30 «Nur-Sultan Ethno Fest» merekesiniń saltanatty ashylý rásimi. Kontsert
21:00 - 22:00 Merekelik dastarhan. Aýyzashar
1 MAÝSYM, SENBІ. FESTIVALЬDІŃ ІІ KÚNІ
10:00 - 14:00 «Altyn jebe» І Álem chempıonaty. Azııa stıli
14:00 - 16:00 Kúı caıys. Aıtys.
16:00 - 18:00 Etnosporttyq oıyndar kórinisi (kókpar, aýdaryspaq, teńge ilý, dástúrli sadaq atý, qamshygerlik)
18:00 - 20:30 «Baldáýren» balalarǵa arnalǵan merekelik kontsert
21:00 - 22:00 Merekelik dastarhan. Aýyzashar
2 MAÝSYM, JEKSENBІ. FESTIVALЬDІŃ ІІІ KÚNІ
10:00 - 14:00 «Altyn jebe» І Álem chempıonaty. Túrik stıli
14:00 - 15:30 Etnosporttyq oıyndar kórinisi (kókpar, aýdaryspaq, teńge ilý, dástúrli sadaq atý, qamshygerlik)
15:30 - 18:30 «Altyn jebe» І Álem chempıonaty. Qazaq stıli
19:00 - 20:30 «Nur-Sultan Ethno Fest» merekesiniń saltanatty jabylýy. «Altyn jebe» І Álem chempıonaty jeńimpazdaryn marapattaý rásimi. Kontsert
21:00 - 22:00 Merekelik dastarhan. Aýyzashar
