Astanada balalar aýrýhanasynda órt shyqty
ASTANA.KAZINFORM — Astana qalasy Saraıshyk aýdanynda, Koshkarbaev kóshesi boıyndaǵy balalar aýrýhanasynyń ǵımaratynda jertóledegi elektr qalqanynda órt shyqty.
Habarlama túskennen keıin 2 mınýt ishinde alǵashqy órt sóndirý bólimsheleri oqıǵa ornyna jetip, órtti sóndirýge dereý kiristi.
Qaýipsizdik maqsatynda personal men naýqastar evakýatsııalanyp, jaqyn mańdaǵy medıtsınalyq mekemelerge ýaqytsha ornalastyryldy. Órt sóndirý shtaby qurylyp, jylytý pýnkti uıymdastyryldy.
Qutqarýshylardyń úılesimdi áreketteriniń arqasynda órt 10 sharshy metr aýmaqta tolyq sóndirildi. Zardap shekkender joq, sebebi anyqtalyp jatyr.
Aıta ketelik SQO-da jazǵy balalar lagerlerinen órt qaýipsizdigi talabyn buzýdyń 80 deregi anyqtalǵan edi.
