Astanada balabaqsha tárbıeshileri qansha jalaqy alady
«Qazirgi jaǵdaı boıynsha «INDIGO: elektrondyq balabaqsha» elektrondyq portalynda 3 jastan 6 jasqa deıingi 7 696 bala kezekte tirkelgen. Búgingi tańda elordadaǵy balabaqshalarǵa 50,8 myń bala barady», - delingen qalalyq bilim basqarmasynyń QazAqparattyń resmı saýalyna bergen jaýabynda.
Qalada túrli tıptegi 430 mektepke deıingi uıym jumys isteıdi. Olardyń ishinde 99 memlekettik jáne 314 jeke menshik memekem bar. ıAǵnı, jyldyq bıýdjeti 11,9 mlrd bolatyn memlekettik dotatsııa alaıasynda 27,7 myń tárbıelenýshi tálim alady.
Resmı derek boıynsha, memlekettik balabaqshalardaǵy tárbıeshiler 220 myń teńge, tárbıeshiniń kómekshisi (kútýshi) – 81,9 myń teńge alady.
Memlekettik balabaqshanyń jalpy bilim berý tobyndaǵy jan basyna shaqqandaǵy qarjylandyrý mólsheri aıyna 41,7 myń teńge bolady. Tárbıelenýshiler kúnine 10,5 saǵat balabaqsha qaraýynda bolady. Ata-analar tólemi esebinen 16,8 myń teńge somasynda tańǵy as, túski as, tústen keıingi as beriledi.
Túzetý tobynda jan basyna shaqqandaǵy qarjylandyrý mólsheri 91,1 myń teńge bolady. Munda da tárbıelenýshiler kúnine 10,5 saǵat balabaqsha qaraýynda bolady. Bıýdjet esebinen tańǵy as, túski as, tústen keıingi as qarastyrylǵan. tamaqtandyrady, budan basqa tárbıelenýshiler óz densaýlyǵyna baılanysty medıtsınalyq em-sharalar, fızıoterapııa, massaj alady.
«Shaǵyn ortalyqtarda – jan basyna shaqqandaǵy qarjylandyrý mólsheri – 18 066 teńge. Tárbıelenýshiler jarty kún boıy ortalyqtyń qaraýynda bolady. Bul toptarda tamaqtaný qarastyrylmaǵan.
Sanatorıılik mektepke deıingi balalar uıymdarynda jan basyna shaqqandaǵy qarjylandyrý kólemi – 78 840 teńge (onyń ishinde aı saıynǵy 16800 teńge tamaqtandyrý da kiredi). Tárbıelenýshiler kúnine 10,5 saǵat mamandar baqylaýynda bolady. Bıýdjet esebinen beriletin tańǵy as, túski as, tústen keingi as jáne keshki astan bólek, atalǵan uıymdarda ımmýnıtetti kóterý rásimderi qarastyrylǵan», - dep jazylǵan basqarmanyń aqparatynda.