Astanada Azııa ýnıversıtetteriniń ІІІ forýmy ótedi

ASTANA. QazAqparat - Astana qalasynda bıyl kezekti ret jahandyq máselelerdi talqylaý men sheshýge baǵyttalǵan eń iri halyqaralyq suhbat alańyna aınalǵan VII Astana ekonomıkalyq forýmynyń (AEF) joǵary sanatty qonaqtaryn qarsy alady. Forým jumysyna álemdik saraptamalyq qaýymdastyqtyń kóshbasshylary - tanymal saıasat jáne qoǵam qaıratkerleri, bıznes-qaýymdastyq, asa iri halyqaralyq uıymdar men transulttyq kompanııa ókilderi, Nobel syılyǵynyń laýreattary jáne ǵalym-ekonomıster qatysady.

AEF baǵdarlamasy aıasynda álemniń 40-tan asa eliniń 100-den asa joǵaraǵy oqý oryndary jetekshileriniń basyn qosatyn asa mańyzdy oqıǵa - «Eýrazııalyq ártúrlilik jáne ýnıversıtetterdiń turaqty damýdaǵy róli» atty Azııa ýnıversıtetteriniń ІІІ forýmy ótedi. Forýmnyń «Eýrazııalyq keńistiktegi ýnıversıtetterdiń ınternatsıonalızatsııasy» atty plenarlyq májilisi 21 mamyr kúni Astana qalasynda Táýelsizdik Saraıynda ótkiziledi, 22-23 mamyr kúnderi Almaty qalasynda ál-Farabı atyndaǵy QazUÝ-da jalǵasyn tabady. Bul is-shara ýnıversıtettiń 80-jyldyq mereıtoıyna arnalǵan onkúndiktiń ashylýy bolyp sanalady.

Forýmnyń negizgi uıymdastyrýshylary - QR Bilim jáne ǵylym mınıstrligi jáne ál-Farabı atyndaǵy QazUÝ. Sondaı-aq, VII Astana ekonomıkalyq forýmynyń uıymdastyrý komıteti, ǵalymdardyń Eýrazııalyq Ekonomıkalyq klýby, Qazaqstan joǵarǵy mektebiniń Ulttyq Akademııasy, QR Ulttyq ǵylym Akademııasy jáne Seýl ulttyq ýnıversıteti uıymdastyrýshylar komıtetine kirip otyr. Atalǵan is-sharaǵa BUU, ıÝNESKO, Álem ýnıversıtetteri konsortsıýmy, Ulttyq ınjenerlik qaýymdastyqtar federatsııasy (FEANI), «Greementric World Universitiy Ranking», ýnıversıtetterdiń Halyqaralyq qaýymdastyǵy jáne t.b. halyqaralyq uıymdar qoldaý kórsetti. Forýmnyń kontseptýaldy negizi jáne taqyryptary turaqty damýǵa negizdelgen el Prezıdentiniń «G-Global» jáne «Jasyl kópir» ıdeıalaryna arnalǵan. N.Á.Nazarbaev turaqty damýdy «adamzattyń aman qalý amaly» dep atap, «Qazaqstan - turaqty damý brendine aınalatyn el bolady. Erkin eldiń bolashaǵy - fýndamentaldi bilim berý men aldyńǵy qatarly ǵylymda» ekendigine basa nazar aýdardy. Búgingi tańda joǵarǵy bilim berý oryndary álemdi ózgertýshi aldyńǵy qatarly ozyq ıdeıalardy týdyratyn ortaǵa aınalyp otyr.

Álemdik qaýymdastyq úshin asa mańyzdy bolyp tabylatyn taqyryp boıynsha osyndaı keń kólemdi is-shara postkeńestik elderde birinshi ret ótkizilip otyrǵandyǵyn atap ótýge tıispiz. QazUÝ-dyń turaqty damý salasy boıynsha jetken jetistikteri men bastamalaryn eskere otyryp, uıymdastyrý alqasy forýmdy qazaqstandyq ýnıversıtet bazasynda ótkizýge sheshim qabyldady. Jaqyn arada ǵana QazUÝ BUU-nyń «Akademııalyq yqpal» baǵdarlamasynyń jahandyq habyn basqardy. Al, osy jyldyń kúzinen bastap, ýnıversıtet bazasynda ıÝNESKO - UNITWIN baǵdarlamasy aıasynda turaqty damý boıynsha Ortalyq Azııalyq aımaqtyq haby óz jumysyn bastaıdy. 2012 jyly BUU-nyń Brazılııada ótken «RIO+20» jahandyq sammıtinde QazUÝ TMD ýnıversıtetteri ishinde óz sektsııasyn ashqan birden-bir JOO boldy. Ýnıversıtet el Prezıdentiniń «Jahandyq energoekologııalyq damý strategııasy» men «Jasyl kópir» bastamalaryna qoldaý kórsetý boıynsha «Jasyl kópir urpaqtan urpaqqa» atty álemdik JOO-nyń konsortsıýmyn qurý týraly bastama kóterdi.

Forým barysynda QazUÝ-dyń BUU-nyń «Akademııalyq yqpal» baǵdarlamasynyń jahandyq haby retinde daıyndaǵan «Turaqty damý boıynsha úligilik josparyn» talqylaý men qabyldaý josparlanyp otyr. Qazirdiń ózinde ashyq pikir-talastar men talqylaýlar úshin «Green Bridge through Generation» (www.greenbridge.kaznu.kz) vırtýaldy plotformasy quryldy.