Astanada avtokólik kóshe ortasynda aýdarylyp qaldy

ASTANA. KAZINFORM – Elordada jol ortasynda jeńil avtokólik aýdarylyp qaldy. 

«Kólik júrgizýshisi áýejaı jaǵynan Á.Kekilbaev kóshesiniń qıylysynda kele jatyp, aldynan toqtaǵan kólikpen soqtyǵyspaý úshin rýldi kúrt burǵan. Saldarynan kólik aýdarylyp qalǵan. Zardap shekkender joq», - delingen aqparatta. 

Astana qalasynyń Polıtsııa departamenti aýa raıynyń qolaısyzdyǵyna baılanysty júrgizýshilerge jolda muqııat bolýdy, jyldamdyq pen araqashyqtyq rejımin qatań saqtaýdy eskertedi. 

Buǵan deıin Astana áýejaıynan ushatyn 7 reıs jáne ushyp keletin 8 reıs toqtatylǵany týraly habarlaǵan edik.