Astanada áýe reısteriniń kestesi birtindep qalpyna keltirilip jatyr

Astanadaǵy aýa raıynyń jaqsarýyna baılanysty reıster kestesi birtindep qalpyna keltirilip jatyr, dep habarlaıdy Air Astana áýekompanııasynyń baspasóz qyzmeti. 

"Saǵat 07:00-den bastap Astanadan 10-ǵa jýyq ishki jáne halyqaralyq reıster ushyp, sonsha reıster ushyp keldi. Oryndalmaǵan reısterdiń jolaýshylaryn jetkizý úshin áýe kompanııasy Almaty men Astana arasynda eki qosymsha reıs engizdi" delingen habarlamada.

Esterińizge sala keteıik, 30 jeltoqsanda áýekompanııanyń 40 reısi keshikti jáne 20 reısi oryndalmady.

Dýbaıda 200 jolaýshy jáne Ystambulda 80 jolaýshy qonaqúıge ornalastyrylyp, tamaqpen qamtamasyz etildi.

Sondaı-aq, satyp alý ornynda áýe bıletterin tegin qaıta brondaý jáne bılet qunyn qaıtarý usynylady.