Astanada Asqar Zabıkýlınniń esimi berilgen kóshe ashyldy
Qutqarýshylar kúni qarsańynda Astana qalasynyń Úrker shaǵyn aýdanynda órt sóndirýshi Asqar Zabıkýlınniń esimi berilgen kósheniń ashylýy ótti, dep habarlaıdy Kazinform.
Kósheniń ashylýyna Asqar Zabıkýlınniń týystary, jubaıy men balalary jánet azamattyq qorǵaý organdarynyń ardagerleri, Astana qalasy TJD basshylyǵy men jeke quramy qatysty.
Sondaı-aq shara barysynda A.Zabıkýlınniń jaqyndary, TJD qyzmetkerleri men ardagerleri aǵash otyrǵyzdy.
Eske salaıyq, 2022 jyldyń 16 qarashasynda Astanada 15 qabatty úıden órt shyqty. Saldarynan 3 adam, onyń ishinde bir bala aýrýhanaǵa tústi. Birneshe adamdy qutqarǵan órt sóndirýshi Asqar Zabıkýlınniń denesin 80% kúıik shalyp, jansaqtaý bólimine jatqyzyldy. 20 qarashada ol astanalyq aýrýhanada qaıtys boldy. Dárigerler onyń ómiri úshin birneshe kún kúresken bolatyn.
Memleket basshysy erlik kórsetken jáne birneshe adamnyń ómirin qutqarǵan elordalyq órt sóndirýshilerdi Qazaqstan Respýblıkasynyń memlekettik nagradalarymen marapattaý týraly Jarlyqqa qol qoıdy.
Asqar Zabıkýlın I dárejeli «Aıbyn» ordenimen marapattaldy. 20 jeltoqsanda oǵan «Altyn adam» syılyǵy tabys etildi.
28 jeltoqsanda Astana qalalyq máslıhaty sheshimimen erlikpen qaza tapqan órt sóndirýshi Asqar Zabıkýlınniń esimi jańa kóshege berildi.
Posmotret etý pýblıkatsııý v Instagram
