Astanada AOK qurlyqtyq sportshylar forýmy bastaldy
ASTANA. KAZINFORM – Búgin, 2 qyrkúıekte Astanada Azııa Olımpıadalyq keńesi (AOK) uıymdastyrǵan VI Qurlyqtyq sportshylar forýmy bastaldy. Bul jıyn Olympic Solidarity baǵdarlamasy aıasynda ótip jatyr.
Aýqymdy is-sharaǵa Azııanyń 45 Ulttyq Olımpıadalyq komıtetiniń ókilderi, Halyqaralyq Olımpıadalyq komıtettiń músheleri jáne AOK basshylary qatarynan 120-dan astam delegat qatysýda.
Forýmnyń spıkerleri arasynda HOK-niń Olympic Solidarity baǵdarlamasy dırektorynyń orynbasary Olıve Nıamkı, HOK-niń Olympic Solidarity qurlyqtyq menedjeri Edvard Kensıngton, HOK Sportshylar komıssııasynyń tóraıymy Emma Terho, HOK Sportshylar komıssııasyn qoldaý jónindegi menedjeri Artýr Mılroı, HOK Sportshylar komıssııasynyń múshesi Masoma Alı Zada, HOK múshesi Chjan Hýn, AOK Sportshylar komıssııasynyń tóraǵasy Nın Dın, AOK Sportshylar komıssııasynyń teń tóraǵasy Shıva Keshavan, komıssııa músheleri Shaına Eng pen Taı Terrı, AOK Sportshylarmen jumys departamentiniń menedjeri Djamıang Namgıal, Qazaqstan UOK Sportshylar komıssııasynyń tóraıymy ári AOK Atqarý komıtetiniń múshesi Olga Rypakova, frıstaıl-akrobatıkadan úsh dúrkin Olımpıada qatysýshysy Janbota Aldabergenova jáne Qazaqstan UOK Sport departamentiniń jetekshi menedjeri Aıym Jetibaeva bar.
QR UOK málimetinshe, forýmnyń alǵashqy kúnindegi negizgi taqyryptardyń biri - Edvard Kensıngton men Olıve Nıamkı usynǵan sportshylarǵa arnalǵan Olympic Solidarity shákirtaqylyq baǵdarlamalarynyń tanystyrylymy. Sondaı-aq Emma Terho, Chjan Hýn jáne Masoma Alı Zada Sportshylar komıssııasynyń qyzmetindegi ózekti ózgerister týraly baıandama jasaıdy.
Jalpy baǵdarlamada pikirtalas alańdary, taqyryptyq toptaǵy jumys, semınarlar jáne spıkerlermen ashyq suhbattar josparlanǵan. Budan bólek, forým aıasynda Astananyń Ortalyq saıabaǵynda Aıchı-Nagoıa 2026 Azııa oıyndaryn qoldaýǵa arnalǵan sımvolıkalyq Fun Run júgirý sharasy ótedi.
Aıta keteıik, fýtboldan Qazaqstan quramasy daıyndyǵyn tolyq quramda bastady.