Astanada alǵash ret qurylys krandary shyǵaryla bastady
«Qurylys ındýstrııasyndaǵy otandyq óndirýshilerdi qoldaýǵa baǵyttalǵan «qarapaı̆ym zattar ekonomıkasy« jobasy aıasynda elordada alǵash ret qurylys krandaryn ózimiz shyǵara bastadyq.
Buryn munaraly qurylys krandary shetelden ákelinetin, olardy tasymaldaý qymbatqa túsetin.
Búgin elordadaǵy alǵashqy kran jasalǵan tsehqa bardyq. Qurylystyń basty draı̆ver ekenin eskersek, otandyq materıaldar óndirý biz úshin óte mańyzdy. Byltyr 3 mln sharshy metr turǵyn úı̆ salyp, paı̆dalanýǵa berdik. Aı̆talyq, 7 myńnan astam áleýmettik páter saldyq, bıyl bul kórsetkishti odan da arttyramyz. Bul salada da óndiristi qoldaı̆tyn bolamyz», - dedi ákim.
A.Kólginov málim etkendeı, alǵashqy qurylys krandaryn «Lashyn Faktorı» JShS kompanııasy shyǵara bastady. Bul kompanııa «Astana - jańa qala» AEA múshesi, №1 ındýstrııalyq parkte ornalasqan. Kásiporynda otandyq lıftiler de shyǵarylady. Lıftiler EKSPO kezinde qoldanylyp, memlekettik baǵdarlamalar boı̆ynsha salynǵan turǵyn úı̆ keshenderine ornatylǵan.
«Memleket basshysynyń tapsyrmasyna sáı̆kes, ınvestorlarǵa qolaı̆ly jaǵdaı̆ jasap, ınvestıtsııalyq ahýaldy jaqsartý úshin jumys isteı̆miz. Pandemııaǵa qaramastan, byltyrdyń ózinde 1 trıllıon teńgeden astam jeke ınvestıtsııalardy tartý múmkin boldy. 111 ınvestıtsııalyq joba qoldaý tapty. Birinshi kezekte - qala turǵyndary men qalaǵa qajet jobalardy qoldaı̆myz. Olardyń qataryna - ónerkásip, logıstıka, saýda jáne t.b. salalardaǵy áleýmettik nysandar kiredi», - dedi qala basshysy.
