Astanada alǵash ret arbadaǵy tennısten ITF Futures Series týrnıri ótedi

ASTANA. KAZINFORM — 31 mamyr — 7 maýsym aralyǵynda Astanada arbadaǵy tennısten KPMG Open halyqaralyq týrnıri ótedi. 

Qazaqstan tennıs federatsııasynyń baspasóz qyzmetinen málim etkenindeı, bul Ortalyq Azııadaǵy ITF Futures Series sanatyndaǵy alǵashqy jarys bolmaq.

Dodaǵa AQSh, Japonııa, Aýstralııa, Frantsııa, Ońtústik Koreıa, Úndistan, Polsha, Qyrǵyzstan, Reseı, Belarýs, Qazaqstan, barlyq 11 memleketten sportshylar qatyspaq.

Qazirdiń ózinde álemdik reıtıngide TOP-100-ge kiretin erlerden Japonııa ókili Tamoıa Tachı (57), ońtústikkoreıalyq Lı Djın Hvan (74), japonııalyq ıÝshınobý Fýdjımoto (82), áıelderden reseılik Vıktorııa Lvova (21), aýstralııalyq Sellı Shvarts (41), ońtústikkoreıalyq Djý ıÝn Pak (60), reseılik Lıýdmıla Býbnova (60) jáne qazaqstandyq Aıjan Bitimbaevanyń (84) baq synaıtyny belgili boldy.

Týrnır Qazaqstan tennıs federatsııasy men KPMG kompanııasynyń qoldaýymen uıymdastyrylyp otyr.

Barlyq match elordadaǵy Beeline Arena ulttyq tennıs ortalyǵynda oınatylady. Birinshi jarys 31 mamyr — 3 maýsym, ekinshisi 4-7 maýsym aralyǵynda ótedi.

Eske sala keteıik, budan buryn Devıs kýbogynyń irikteý týrnırinde Qazaqstan jasóspirimder quramasy shırek fınalda Japonııamen oınaıtynyn jazǵan bolatynbyz.