Astanada Álemdik dinder kóshbasshylarynyń sezi bastaldy

ASTANA. KAZINFORM – Búgin elordadaǵy Táýelsizdik saraıynda Prezıdent Qasym-Jomart Toqaevtyń qatysýymen Álemdik jáne dástúrli dinder kóshbasshylary VIII Ceziniń jumysy bastaldy.

VIІI Sezd jumysyna álemniń shamamen 60 elinen 100-den astam delegatsııa qatysyp jatyr. Olardyń qatarynda álemdik dinderdiń rýhanı lıderleri, halyqaralyq uıymdardyń ókilderi, sarapshylar qaýymdastyǵy jáne qoǵam qaıratkerleri bar.

Búgingi forýmnyń basty taqyryby – «Dinder dıalogy: bolashaq jolyndaǵy sınergııa». Jumys barysynda sektsııalyq otyrystar formatynda birqatar ózekti másele qaralady.

Al 18 qyrkúıekte Táýelsizdik saraıynda Jas dinı lıderlerdiń ІІ forýmy ótedi.

Aıta keteıik, 16 qyrkúıekte Sezd aıasynda QR Parlamenti Senatynyń tóraǵasy, Álemdik jáne dástúrli dinder lıderleri Sezi Hatshylyǵynyń basshysy Máýlen Áshimbaevtyń tóraǵalyǵymen Hatshylyqtyń XXIII otyrysy ótti.

Álemdik jáne dástúrli dinder lıderleriniń kelesi Sezi 2028 jyly uıymdastyrylmaq.

Sonymen qatar, Astanada BUU Órkenıetter alıansy aıasynda dinı nysandardy qorǵaý jónindegi arnaıy sessııa ótti.