Astanada «Ádebıet álemindegi áıel júregi» atty shyǵarmashylyq kesh ótedi
Bul týraly Ulttyq akademııalyq kitaphananyń baspasóz qyzmeti habarlady.
Onda QR Jazýshylar odaǵynyń múshesi, jazýshy-jýrnalıst, respýblıkalyq «Juldyz» jýrnalynyń bólim meńgerýshisi, Qazaqstan Jazýshylar odaǵynyń Ǵ.Mustafın atyndaǵy ádebı syılyǵynyń ıegeri, Soros zamanaýı óner ortalyǵynyń, EQYU jabyq báıgeleriniń júldegeri, «Túngi ottar», «Ekige bólinbeıtin kelinshek», «Siz izdegen adam», «Ultyn súıgen ulylar» atty prozalyq kitaptardyń avtory Zarıa Jumanova jáne fılologııa ǵylymdarynyń kandıdaty, Mahambet atyndaǵy syılyqtyń ıegeri, aqyn, ádebıet synshysy, «Qıǵashtyń qarlyǵashy», «Aqbota kúndi ańsaýmen», «Ardaqtym», «Allajar» , «Dara», «Esenǵalı Raýshanovtyń poezııasy» atty jyr jınaqtary men monografııalardyń avtory Gúlzada Nıetqalıeva oqyrmandarymen kezdesedi.
Sharaǵa qoǵam qaıratkerleri, zııaly qaýym ókilderi, aqyn-jazýshylar, jyr súıer qaýym men BAQ ókilderi qatysady.
