Astanada Abylaı han dańǵylynyń ýchaskesi birneshe kúnge jabylady
ASTANA. KAZINFORM — 4-7 maýsym aralyǵynda kólik qozǵalysy tolyqtaı shekteledi, dep habarlaıdy Astana ákimdigi.
Astana qalasynyń Kólik jáne jol-kólik ınfraqurylymyn damytý basqarmasy Abylaı han dańǵylynyń Manas kóshesinen A.Pýshkın kóshesine deıingi bóligine joǵarǵy jol jabynyn tóseý jumysyn júrgizedi. Osyǵan baılanysty, 4-7 maýsym aralyǵynda kólik qozǵalysy tolyqtaı jabylady.
Sonymen qatar, 4 maýsym kúni saǵat 22:00–den 5 maýsym kúni saǵat 13:00–ge deıin Abylaı han dańǵyly men І.Jansúgirov kóshesiniń qıylysy tolyǵymen jabylady.
— Avtobýs marshrýttarynyń ózgerý shemasymen joǵaryda kórsetilgen shemadan tanysýǵa bolady. Júrgizýshiler men jaıaý júrginshiler qozǵalys baǵytyn aldyn ala josparlap, yqtımal ózgeristerdi eskerýi qajet. Qaýipsizdikti qamtamasyz etý jáne yńǵaısyzdyqty azaıtý maqsatynda ýaqytsha jol belgileri men kórsetkishteri ornatylady, — delingen habarlamada.
Buǵan deıin Astanada Turan dańǵyly jóndeý jumysyna baılanysty ýaqytsha jabylǵan edi.