Astanada 7 jáne 9 mamyr merekelerine oraı qandaı is-sharalar ótedi
ASTANA. KAZINFORM – Astanada 7 mamyr – Otan qorǵaýshylar kúni men 9 mamyr – Uly Otan soǵysyndaǵy Jeńistiń 80 jyldyǵyna arnalǵan 100-ge jýyq túrli is-shara josparlanyp otyr. Olardyń arasynda kontsertter, kórmeler, aktsııalar, spektaklder jáne t.b. bar.
6-8 mamyr kúnderi adam kóp jınalatyn oryndarda eriktiler blıts-saýalnama júrgizip, qoǵamdyq oryndarda «Jeńis lentasy» lentalary men tósbelgilerin taratatyn bolady.
6 mamyrda saǵat 19:00-de M.Gorkıı atyndaǵy memlekettik akademııalyq orys drama teatrynda «Álııa» spektaklin kórsetýdi josparlap otyr, sonymen birge E.Rahmadıev atyndaǵy Memlekettik akademııalyq fılarmonııada «Kesteli oramal» merekelik kontserti ótedi. Sondaı-aq, «Jastar» saraıynda saǵat 19:00-de «Astana» estradalyq-sımfonııalyq orkestriniń kontserttik baǵdarlamasy josparlanǵan.
Astanada «VIRTUS WORLD TENNIS CHAMPIONSHIP» (damýynda zııatkerlik kemistigi bar tulǵalar) erler men áıelder arasynda tennısten álem chempıonaty ótip jatyr, ol 11 mamyrǵa deıin «Dáýlet» tennıs ortalyǵynda myna mekenjaı boıynsha jalǵasady: Qordaı kóshesi, 6. Kórermenderge kirý tegin.
6-10 mamyr aralyǵynda elordada sporttyq gımnastıkadan ashyq qalalyq chempıonat ótýde. Jarys Á. Jangeldın, 9A mekenjaıy boıynsha «Jeńis» SK ótedi. Kórermenderge kirý tegin.
2025 jylǵy 7 mamyrda saǵat 11:00-de Astanada kontsertter men áskerı paradtyń tikeleı kórsetilimi ótedi. Saǵat 11:00-den bastap úlken LED ekrandar arqyly sherý birden birneshe orynda kórsetiledi:
1. Elorda ákimdigi ǵımaratynyń janyndaǵy qalalyq alańda (tikeleı efır jáne merekelik kontsert);
2. «Astana Arena» stadıonynyń aýmaǵynda (tikeleı efır jáne merekelik kontsert);
3. «Astana Music Hall» avtoturaq aýmaǵy (Qumyra) B.Momyshuly dańǵyly, 1 (tek tikeleı translıatsııa).
Sonymen qatar, is-shara respýblıkalyq telearnalardyń tikeleı efırinde kórsetiledi.
Saǵat 12:00-de Á.Mámbetov atyndaǵy memlekettik drama jáne komedııa teatrynyń aýmaǵynda ártisterdiń qatysýymen ashyq aspan astynda merekelik kontsert uıymdastyrylady.
8 mamyr kúni saǵat 15.00-de Uly Otan soǵysyndaǵy Jeńistiń 80 jyldyǵyna oraı jáne «Taza Qazaqstan» ekologııalyq aktsııasy aıasynda aǵash otyrǵyzý aktsııasyn ótkizý josparlanyp otyr.
9 mamyrda Botanıkalyq baqta elordalyq stýdentter men oqýshylar arasynda Ekinshi dúnıejúzilik soǵysyndaǵy Jeńistiń 80 jyldyǵyna arnalǵan jeńilatletıkalyq estafeta ótedi. Estafeta saǵat 9:00-de bastalady. Qatysýǵa sporttyq daıyndyǵy bar jáne medıtsınalyq tekserýden ótken oqýshylar men stýdentter jiberiledi (komandalar basshy men dáriger kýálandyrǵan ótinimdi usynýy tıis).
9 mamyrda Ekinshi dúnıejúzilik soǵysyndaǵy Jeńistiń 80 jyldyǵyna oraı «Jastar» saıabaǵynda saǵat 11:00-den 17:00-ge deıin jáne qalalyq alańda saǵat 17:00-de merekelik kontsertter ótedi. Sol kúni saǵat 18:00-de Á.Mambetov atyndaǵy memlekettik drama jáne komedııa teatry «Ar adamy – Baýyrjan» spektakliniń premerasy ótedi.
Sondaı-aq, 9 mamyrda saǵat 10:00-den 12:00-ge deıin qala ákimdigi, Qorǵanys mınıstrligi ókilderiniń, «Jas Sarbaz» balalar-jasóspirimder áskerı-patrıottyq qozǵalysynyń tárbıelenýshileriniń, áskerı orkestrdiń qatysýymen orkestrmen quttyqtaý bolady.
Sonymen qatar, 9 mamyrda elordada «Qazaqstan Barysy Grand Slam» dzıýdodan halyqaralyq týrnır bastalady. Jarys J. Úshkempirov atyndaǵy Jekpe-jek saraıynda ótedi. Kórermenderge kirý tegin.
10 mamyr kúni saǵat 17:00-de E.Rahmadıev atyndaǵy Memlekettik akademııalyq fılarmonııada «Mamyr valsi» merekelik kontserti ótedi.
10 mamyr kúni saǵat 18:00-de Á.Mambetov atyndaǵy memlekettik drama jáne komedııa teatrynyń sahnasynda «Ar adamy. Baýyrjan» sahnalanady.
Esterińizge sala keteıik, Jeńistiń 80 jyldyǵyna oraı Uly Otan soǵysynyń ardagerleri men múgedekterine, áskerı is-qımyldarǵa qatysýshylarǵa, Astanada turatyn tyl eńbekkerlerine birjolǵy tólem aýdaryldy. Sondaı-aq, «Qamqorlyq mekenjaıy» aktsııasy aıasynda ardagerlerge azyq-túlik sebetteri tabystalady, aýlalar qoqystardan tazartylady jáne t.b.
Aıta ketelik Astanada áskerı sherýge baılanysty qaı kósheler ýaqytsha jabylatyny týraly jazǵan edik.