Astanada 35 gradýs aptap ystyq bolady - Qazgıdromet

ASTANA. KAZINFORM – «Qazgıdromet» RMK málimetinshe, 28 tamyz kúni Qazaqstannyń 14 óńirinde jáne elordada aptap ystyq, naızaǵaı, burshaq jáne qatty jel kútiledi.

Astanada kúndiz qatty ystyq bolady, aýa temperatýrasy 35 gradýsqa deıin kóteriledi. Órt qaýpiniń joǵary deńgeıi saqtalady.

Abaı oblysynda soltústikten, soltústik-shyǵystan soqqan jeldiń jyldamdyǵy sekýndyna 15–20 metrge jetedi. Óńirdiń ońtústik-batysynda, shyǵysynda jáne ortalyǵynda órt qaýpi joǵary deńgeıde kútiledi.

Atyraý oblysynyń batysynda, ońtústiginde jáne shyǵysynda naızaǵaı boljanǵan. Shyǵysta órt qaýpi óte joǵary, al ortalyq pen ońtústikte joǵary deńgeıde saqtalady.

Aqtóbe oblysynyń soltústiginde kúndiz soltústik-batystan soqqan jel ekpini 15 m/s deıin jetedi. Oblys aýmaǵynda órt qaýpi joǵary, al ońtústik bóliginde óte joǵary deńgeıde saqtalady.

Aqmola oblysynyń batysynda kúndiz naızaǵaı kútiledi. Jeldiń jyldamdyǵy 15–20 m/s deıin kúsheıedi. Kúndiz qatty ystyq bolyp, aýa temperatýrasy 35 gradýsqa kóteriledi. Batysynda jáne ońtústiginde órt qaýpi joǵary.

Shyǵys Qazaqstan oblysynyń batysynda jáne ońtústiginde soltústikten soqqan jeldiń jyldamdyǵy 15–20 m/s jetedi. Soltústiginde, ortalyǵynda jáne ońtústiginde órt qaýpi joǵary.

Jambyl oblysynyń ońtústik-batysynda, soltústik-shyǵysynda jáne taýly aýdandarynda soltústik-shyǵystan soqqan jel ekpini 15–20 m/s deıin kúsheıedi. Óńirde órt qaýpi óte joǵary deńgeıde saqtalady.

Jetisý oblysynyń shyǵysy men soltústiginde soltústik-shyǵystan soqqan jel jyldamdyǵy 15–20 m/s jetedi.

Batys Qazaqstan oblysynyń batysy men soltústiginde túnde jáne tańerteń tuman túsedi. Ońtústiginde órt qaýpi joǵary, al batysynda óte joǵary deńgeıde saqtalady.

Qaraǵandy oblysynyń ońtústiginde soltústik-shyǵystan soqqan jel kúndiz ońtústik-batysqa aýysyp, jyldamdyǵy 15 m/s deıin jetedi. Oblystyń batysynda kúndiz qatty ystyq bolyp, aýa temperatýrasy 35 gradýsqa kóteriledi. Óńirdiń ońtústiginde órt qaýpi óte joǵary, shyǵysy men batysynda joǵary deńgeıde saqtalady.

Qyzylorda oblysynyń soltústiginde, shyǵysynda jáne ortalyǵynda kúndiz shańdy daýyl turady. Soltústik-shyǵystan soqqan jeldiń jyldamdyǵy 15–20 m/s jetedi. Kúndiz qatty ystyq bolyp, aýa temperatýrasy 40 gradýsqa kóteriledi.

Qostanaı oblysynyń soltústiginde jáne shyǵysynda kúndiz naızaǵaı men burshaq kútiledi. Jeldiń jyldamdyǵy 15–20 m/s deıin jetedi.

Mańǵystaý oblysynyń ortalyǵynda kúndiz shańdy daýyl boljanǵan. Oblystyń batysy, soltústigi jáne ortalyǵynda soltústik-shyǵystan soqqan jel 15–20 m/s deıin kúsheıedi. Kúndiz qatty ystyq bolyp, aýa temperatýrasy 38 gradýsqa deıin kóteriledi. Óńirdiń batysynda órt qaýpi joǵary, al basqa aýmaqtarynda óte joǵary deńgeıde saqtalady.

Soltústik Qazaqstan oblysynyń batysy men soltústiginde kúndiz naızaǵaı kútiledi. Túnde jáne tańerteń batysynda tuman túsedi. Jeldiń jyldamdyǵy 15–20 m/s deıin jetedi.

Ulytaý oblysynyń aýmaǵynda kúndiz qatty ystyq bolyp, aýa temperatýrasy 35–38 gradýsqa jetedi. Órt qaýpi joǵary deńgeıde saqtalady.

«Qazgıdromet» turǵyndarǵa aýa raıynyń qolaısyzdyǵyna baılanysty saqtyq sharalaryn saqtap, qozǵalys kezinde asa muqııat bolýdy eskertedi.