Astanada 30 memlekettiń baspashylary bas qosady
Mınıstrliktiń baspasóz qyzmetiniń habarlaýynsha, «Eurasian Book Fair - 2016» Eýrazııa halyqaralyq kórme-jármeńkesi Qazaqstan Táýelsizdiginiń 25 jyldyǵyna oraı uıymdastyrylady. QR Mádenıet jáne sport mınıstrligi jáne Astana qalasy ákimdiginiń qoldaýymen ótetin kórmeniń uıymdastyrýshysy - «Folıant» baspasy.
Іs-shara iri aǵartýshylyq alańda TMD, Eýropa men Azııa memleketteriniń baspa, kitap saýdasy, ǵylymı-aǵartýshylyq jáne polıgrafııa kompanııalardyń basyn qosady. Oqyrmandar men satyp alýshylarǵa jaqyn jáne alys shet memleketterdiń kitap shyǵarý jáne polıgrafııa salasyndaǵy jetekshi baspa úıleriniń zamanaýı kitap ónimderiniń assortımenti jáne jańa tehnologııalary usynylatyn bolady.
«Eurasian Book Fair - 2016» Eýrazııa halyqaralyq kitap kórme-jármeńkesi dırektsııasy dırektorynyń orynbasary Raýshan Turlynova is-sharanyń negizgi taqyryby eýrazııashyldyq ıdeıasy bolatyndyǵyn habarlady.
«Qazaqstan Respýblıkasynyń Prezıdenti aıtyp ketkendeı, eýrazııashyldyq - mádenı jáne ulttyq birtektilik saqtalǵandaǵy áleýmettik jańǵyrtý men ekonomıkalyq damý bolyp tabylady. Sondyqtan aldaǵy ýaqytta bolatyn jármeńkeniń kilt taqyryby retinde eýrazııashyldyq ıdeıasy tańdap alyndy», dedi ol.
Kórme sheńberinde keń mádenı baǵdarlama júzege asyrylatyn bolady. Shara uıymdastyrýshylarynyń aqparatyna qaraǵanda, kórme-jármeńke jumys isteıtin kúnderdiń árqaısysynyń ár saǵatynda túrli mádenı-saýyq, ǵylymı sharalar ótkiziledi. Bundaı sharalardyń qataryna ǵylymı-tájirıbelik konferentsııalar, tusaýkeserler, dóńgelek ústelder, tanymal mádenıet qaıratkerleri, jazýshylar men aqyndar, sonyń ishinde ádebıet salasyndaǵy Nobel syılyǵynyń ıegerlerimen kezdesý, forýmdar, baıqaýlar men vıktorınalar kiredi.
Kórmede iskerlik suhbattar da oryn alady dep kútilýde. Іs-shara barysynda resmı tulǵalar, baspa úıleriniń, kitap saýdasy uıymdarynyń basshylary, halyqaralyq sarapshylar, tanymal jazýshylar men aqyndar, baspa jobalaryn qoldaıtyn uıymdar men qorlardyń, kitaphana, bilim berý jáne ǵylymı qoǵamdastyqtardyń ókilderi sala damýynyń ózekti máselelerin talqylap, memlekettik, qoǵamdyq jáne jáne kásipkerlik qurylymdardyń rýhanı-ónegeli aǵartýshylyq, bilim jáne mádenıet salasynda halyqaralyq mádenı, iskerlik baılanystaryn júzege asyrýǵa barlyq jaǵdaı jasalady.
Eýrazııa kitap kórme-jármeńkesine daıyndyq barysy týraly keńeske QR Mádenıet jáne sport mınıstrliginiń Jaýapty hatshysy Qýatjan Ýálıev, «Nur Otan» partııasy tóraǵasy birinshi orynbasarynyń keńesshisi Álııa Ǵalymova, «Eurasian Book Fair - 2016» Eýrazııa halyqaralyq kitap kórme-jármeńkesi dırektsııasynyń basshylyǵy, Astana qalasynyń ákimdigi, QR Aqparat jáne kommýnıkatsııalar mınıstrligi, elordalyq joǵary oqý oryndarynyń ókilderi jáne t.b. qatysty.
