Astanada 18 problemaly qurylys obektisi bar

ASTANA. QazAqparat - Astana ákimi Jeńis Qasymbek pen «Menin Elim Dala» bastamashyl tobynyń qatysýymen naqty qurylys máselesi boıynsha keńes ótti, dep habarlaıdy QazAqparat ákimdikke silteme jasap.

Qalada naqty qurylystyń 18 negizgi problemaly obektisi bar.

13 nysan boıynsha másele turǵyndardyń paıdasyna sheshiledi, ıaǵnı TK mańynda mektepter, medıtsınalyq ortalyqtar, balabaqshalar, qoǵamdyq keńistikter bolady.

Qalǵan 5 nysan boıynsha sot jáne kelissóz júrip jatyr.

Mysaly, Baıtursynov kóshesi, 7 (Haıvıl TK) mekenjaıynda jer ýchaskesinde buryn aıtylǵandaı, kóppáterli turǵyn úı kesheniniń ornyna mektep salynady.

Sondaı-aq, Qoshqarbaev dańǵyly men Aqyrtas kóshesi mańynda, ıaǵnı «Haıvıl» turǵyn úı keshenine qarama-qarsy oqýshy oryndarynyń tapshylyǵyn azaıtý maqsatynda taǵy bir jalpy bilim beretin mektep salynady.

Kúmisbekov kóshesi, 9/2 úıiniń janynda 21 qabatty TK jáne parkıngtiń ornyna gúlzar salynady.

«Sport Towers» TK turǵyndarynyń ótinishi boıynsha eki mektep salynady (Alpamys TK men Alau TK arasynda jáne Barys-Arena muz aıdynyna ońtústik baǵytta).

Kezdesý qorytyndysy boıynsha birqatar tapsyrmalar berildi, onyń ishinde qujattardy normalarǵa sáıkes keltirý, «Menin Elim Dala» QB jaýaptaryn usyný jáne basqa máseleler bar.

Foto: gov.kz