Astanada 10 myńnan astam bala bir mezette ánuran oryndady
ASTANA. KAZINFORM — Memlekettik rámizder kúnine oraı, Astanadaǵy mektepter men bilim berý uıymdarynyń jazǵy lagerlerinde aýqymdy patrıottyq is-shara uıymdastyryldy, dep habarlady elorda ákimdigi.
— Qalanyń 92 mektebi men 13 qosymsha bilim berý ortalyǵynyń qatysýymen ótken bul is-shara aıasynda 10 000-nan astam bala bir mezette Memlekettik ánurandy oryndady. Mundaǵy maqsat — jas urpaqtyń boıynda otansúıgishtik sezimdi qalyptastyrý, memlekettik rámizderge degen qurmetti arttyrý jáne ulttyq qundylyqtardy dáripteý, — delingen habarlamada.
Ánuran shyrqaý rásimi balalardyń óz Otanyna degen maqtanysh sezimin oıatyp, biriktirýshi rýh berdi. Mundaı is-sharalar óskeleń urpaqty azamattyq jaýapkershilikke tárbıeleýde mańyzdy ról atqarady.
Aıta keteıik, 4 maýsym — Memlekettik rámizder kúni, bul mereke 2007 jyldan beri resmı túrde atalyp ótedi. Bul kún — Eltańba, Tý men Ánuran syndy táýelsizdigimizdiń nyshandaryn qurmetteýdiń jarqyn kórinisi.
Buǵan deıin Astanada 3 myń Rýbık kýbıginen Eltańba beınesi qurastyrylǵanyn jazǵanbyz.