Astanada 10 maýsym kúni EKSPO-2017 kórmesi ashylady
EXPO-2017 kórmesi 3 aıǵa sozylady, ol elordada 2017 jyldyń 10 maýsym men 10 qyrkúıek aralyǵynda ótedi.
Elordamyzda ótetin EKSPO-nyń taqyryby: «Bolashaq energııasy» bolmaq. Kórmege qatysýshy memleketter ózderiniń energııa salasyndaǵy tehnıkalyq jetistikterimen barsha jurtty tánti etedi. Ásirese, qazirgi tańda suranysqa ıe balamaly energııa kózderin alý maqsatyndaǵy qurylǵylarmen tanystyrady.
Halyqaralyq kórmede árbir memleket ózderiniń pavılondaryn daıyndap jatyr. Bul kórmege elimizdiń ár aımaǵynan, kórshiles memleketterden, álemniń túkpir-túkpirinen 2,3 mıllıonnan astam adam keledi dep kútilýde.
Eske sala keteıik, Qazaqstan «EKSPO-2017» halyqaralyq kórmesin ótkizý mártebesine 2012 jyldyń 22 qarashasynda Frantsııa astanasy Parıj qalasynda ótken HKB-niń EXPO halyqaralyq bıýrosy Bas assambleıasynyń 152-shi sessııasy barysynda ıe bolǵan edi. Jasyryn daýys berý qorytyndysy boıynsha HKB-nyń 103 múshe-memleketi Astana qalasyna daýys berse, bizdiń básekelesimiz belgııalyq Lej qalasy 44 daýys jınaǵan.
