Astana turǵyny birneshe taksı júrgizýshisin san soqtyrǵan

ASTANA. QazAqparat – Polıtseılerge taksı júrgizýshilerinen 4 aryz túsken. Olar «klıentke» aldanyp, 25 myń teńge kólemindegi qarajatynan aıyrylǵanyna shaǵymdanǵan, dep habarlaıdy QazAqparat Astana qalasy Polıtsııa departamentiniń baspasóz qyzmetine silteme jasap.

Astana qalasy Baıqońyr aýdanynyń polıtsııa qyzmetkerleri jedel-izdestirý is-sharalary barysynda alaıaqtyqpen aınalysqan 31 jastaǵy er adamdy anyqtady. Indriver mobıldi qosymshasyn paıdalanatyn taksı júrgizýshileri kúdiktiniń jábirlenýshilerine aınalǵan

Belgili bolǵandaı, júrgizýshiler uqsas jaǵdaı boıynsha aldanǵan. «Klıent» mobıldi qosymsha arqyly memlekettik tirkeý nómirin belgili bir mekenjaıǵa jiberý úshin taksı shaqyrady. Áńgime barysynda ol júrgizýshige jol apatyna ushyraǵanyn aıtyp, shuǵyl túrde nómirdi jetkizýdi ótinedi. Sonymen qatar, nómirdi alýshy ony jetkizgen kezde aqshany tóleıtinin aıtyp, 25 myń teńge suraıdy. Júrgizýshiler kelisedi, biraq kórsetilgen mekenjaıǵa barǵanda kútip alýshyny tappaı, telefony óshirilgen «klıentke» qońyraý shalyp álekke túsedi.

Qazirgi ýaqytta barlyq jáıtter boıynsha QR QK-niń 190-babymen («Alaıaqtyq») qylmystyq is júrgizilip jatyr.

Polıtseıler alaıaqtyń áreketinen zardap shekken taksı júrgizýshileri taǵy kóp bolýy múmkin ekenin atap ótti.