«Astana-Seýl» áýe reısi qaıta jandanady

ASTANA. KAZINFORM – Eki qala arasyndaǵy áýe qatynasy 2020 jyly toqtatylǵan edi. 

«Air Astana» Astanadan Seýlge áýe reısterine bıletterdi satylymǵa shyǵardy. Reıster 2024 jyldyń 15 maýsymynan bastap aptasyna eki ret Airbus A321LR ushaǵymen oryndalady. Astanadan Seýlge reısterdi áýekompanııa 2015 iske qosyp, koronavırýstyń órshýine baılanysty 2020 jyly toqtatty», - delingen atalǵan áýe kompanııasynyń habarlamasynda.

Sondaı-aq, aqparatta Astanadan Seýlge reıster Almatydan Seýlge kúndelikti reısterdi tolyqtyryp, eki baǵytta «Asiana Airlines» kompanııasymen kodsherıng kelisimi boıynsha oryndalatyndyǵy aıtylǵan. Áýekompanııa «Almaty-Seýl» áýe reısin 2003 jyly bastap, 22 jylda 800 myńǵa jýyq jolaýshy tasymaldaǵan.

Áýetasymaldaýshysy 2024 jylǵa halyqaralyq reısterdiń jazǵy kestesinde Almatydan Tashkentke ushý jıiligi aptasyna 14 retke deıin, ıaǵnı Bishkekke aptasyna segiz retke, Tbılısıge aptasyna toǵyz retke, Dýshanbege aptasyna tórt retke jáne Bakýge aptasyna úsh retke deıin ulǵaıtylǵanyn eske saldy.