Astana-Samarqand baǵyty boıynsha jańa áýe reısi ashyldy
TAShKENT. KAZINFORM – Astana-Samarqand baǵyty boıynsha jańa áýe reısi ashyldy. Ushaqtar Túrkistan qalasyna da aıaldaıdy, dep habarlaıdy Kazinform agenttiginiń menshikti tilshisi.
Jańa turaqty áýe reısi eki el arasyndaǵy zııarat týrızmdi damytýǵa serpin bermek. Tıisinshe, bıyl Qazaqstannan Ózbekstanǵa keletin týrıster sany 3 mıllıonǵa deıin artýy yqtımal.
Atalǵan baǵyt boıynsha ushaqtar aptasyna eki ret, ıaǵnı beısenbi jáne jeksenbi kúnderi reıs oryndaıdy. Astanadan ushqan áýe kemeleri Túrkistan qalasyna 40 mınýt aıaldap, keıin Samarqandqa bet alady.
Eske salaıyq, birne aı buryn Ózbekstannan Qazaqstan men Qytaıǵa qatynaıtyn jańa avtobýs reısteri ashylatynyn jazyp edik.
Sonymen qatar, aldaǵy ýaqytta Astana men Samarqand arasynda poıyz qatynaýy múmkin.
Buǵan deıin habarlaǵanymyzdaı, Qazaqstan men Ózbekstandy baılanystyratyn jańa temirjol jelisi salynyp jatyr.
Eske salaıyq, taıaýda prezıdent Shavkat Mırzıeev Qazaqstan men Ózbekstan shekarasynan jeke kýálikpen ótý tártibi engizilýi múmkin ekenin málim etti.