«Astana Opera» teatrynyń dırektory aýysty
Bul týraly Aqordanyń baspasóz qyzmetinen habarlandy.
«Memleket basshysynyń Ókimimen Tóleýbek Nyǵmetuly Álpıev «Astana Opera» Memlekettik opera jáne balet teatrynyń dırektory qyzmetinen bosatyldy», delingen habarlamada.
Sondaı-aq Elbasy Nursultan Nazarbaevtyń Ókimimen Ǵalym Alǵıuly Ahmedıarov «Astana Opera» Memlekettik opera jáne balet teatrynyń dırektory qyzmetine taǵaıyndaldy.
Ahmedıarov Ǵalym Alǵıuly, 1973 jyly dúnıege kelgen. 1995 jyly Qurmanǵazy atyndaǵy Almaty memlekettik konservatorııasyn bitirdi.
1995 jáne 1997 jyldary - Qurmanǵazy atyndaǵy Almaty memlekettik konservatorııasynyń oqytýshysy.
1998 jáne 2007 jyldar aralyǵynda - QR Respýblıkalyq gvardııasy Prezıdenttik orkestriniń solısi, ulttyq aspaptar ansambliniń jetekshisi.
2007 j.- QR Mádenıet jáne aqparat mınıstrligi Mádenıet komıteti Óner basqarmasynyń basshysy.
2008-2012 jyldary - QR Mádenıet jáne aqparat mınıstrligi «Qazaq áýenderi» AQ-nyń Prezıdenti.
2012 jáne 2013 jyldar aralyǵynda - «Qazaqstan mýzyka qaıratkerleriniń odaǵy» Qoǵamdyq birlestiginiń keńesshisi.
2013-2014 jyldary - QR Mádenıet jáne aqparat mınıstrliginiń «Qazaqstan rýhanı damý qory» AQ-nyń Prezıdenti.
2014 jyly aqpan -qarasha QR Mádenıet jáne sport mınıstrligi «Qazaq áýenderi» AQ-nyń Prezıdenti.
2014 jyldyń 3 qarashasynan osy kúnge deıin Qazaqstan Respýblıkasynyń mádenıet jáne sport vıtse-mınıstri boldy.
«Qazaqstan eńbek sińirgen qaıratkeri» qurmetti ataǵynyń ıegeri (2010), «Daryn» Memlekettik jastar júldesiniń laýreaty (2004), respýblıkalyq jáne halyqaralyq baıqaýlardyń laýreaty.
