«Astana Opera» QR Konstıtýtsııasynyń 25 jyldyǵyna arnap, onlaın kontsert ótkizbek

NUR-SULTAN. QazAqparat – 29 tamyz kúni «Astana Opera» teatry Qazaqstan Respýblıkasy Konstıtýtsııasynyń 25 jyldyǵyna arnalǵan merekelik onlaın kontsertin usynady, dep habarlaıdy QazAqparat teatrdyń baspasóz qyzmetine silteme jasap.

Kontsertti www.tengrinews.kz/tv saıtynda, Astana Opera Youtube arnasynda, www.astanaopera.kz saıtynyń Teatr-Online bóliminde tamashalaýǵa bolady.

Bul kúni jurtshylyq aldynda onlaın arqyly talantty ártister Ǵalııa Baıǵazınova, Bıbigúl Januzaq, Jámılá Jarqymbaeva, Aızada Qaponova, Elena Ganja, Mádına Islamova, Nazym Saǵyntaı, Saltanat Muratbekova, Jan Tapın, Meıir Baınesh, Beıimbet Tańaryqov, Ramzat Balakıshıev, Janat Shybyqbaev, Erjan Saıpov, Bolat Esimhanov, Kýrvanjan Ahatov jáne taǵy basqalary, sondaı-aq «Dolce» skrıpkashylar ansambli óner kórsetedi.

Kesh baǵdarlamasyna qazaq ulttyq klassıkasynyń tanymal týyndylary, otandyq avtorlardyń ánderi, romanstary men kameralyq-aspaptyq shyǵarmalary engen.

Kontsertmeısterler – Janar Ahmetova, Raýshan Beskempirova, Irına Kýrgýzkına.

Kontserttiń bastalýy saǵat 18:00-de.