«Astana Muzical» teatry aqyn Muqaǵalıdyń shyǵarmashylyǵyna arnalǵan kesh ótkizbek

ASTANA. QazAqparat - 9 aqpan kúni elordadaǵy «Qazaqstan» Ortalyq kontsert zalynda aqyn Muqaǵalı Maqataev shyǵarmashylyǵyna arnalǵan «Jyrlaıdy júrek» atty ádebı-sazdy kesh ótkiziledi, dep habarlaıdy «QazAqparat» HAA tilshisi.

Aqıyq aqynnyń keshin «Qazaqstan» kontsert zalynyń kameralyq zalynda ótkizý josparlanyp otyr. QR Mádenıet jáne sport mınıstrliginiń qoldaýymen ótetin keshte «Astana Muzical» teatry 1 saǵattyq kontsert daıyndaýda.

«Rýhanı jańǵyrý» baǵdarlamasy men «Astananyń 20 jyldyǵyn negizge alǵan keshke elimizge tanymal aqyn-jazýshylar, óner ıeleri shaqyrylyp otyr. Teatr ártisteri aqynnyń óleńderi men tolǵanystaryn oryndap, belgili ánshiler Muqaǵalı Maqataevtyń sózine jazylǵan ánderdi shyrqaıdy.

Aqynnyń shyǵarmashylyǵyna arnalǵan kesh 9 aqpan kúni saǵat keshki 18:00-de bastalady.